|
|||||||||||||||||||||||||
|
|||||||||||||||||||||||||
24-Jan-2009, 10:56
|
#1 (permalink) | |
|
مشرف نادي الدعاة التطوعي
إدارة نادي مكة
رقم العضوية: 555
تاريخ التسجيل: Jan 2007
الدولة: Saudi Arabia
المدينة: مكة المكرمة
عدد الأنشطة: 8
المشاركات: 2,543
|
أكلات مكاوية
مرحبمبكم يا حبايبي اليوم هرجتنا غير تحكي لنا اصاله وتاريخ المكاويه عن عادات وآكلات وتقاليد مر عليها سنين والى الان الحمد لله جيل ورا جيل متمسك فيها وموضوعنا اليوم عن الأكلات المكاوية · الأكلات المكاوية لها طعم ونكهة ونشأة واللي يحلي الأكلات ويطعمها زيادة إنو لكل أكلة مناسبة تتعلق بيها وما ناكلها إلا في المناسبة حقتها نحنا كدة المكاكوه وبالزات العتقية القدم لنا تصانيف وتباتيك · في الاكل والشرب مايعلم بيها الا الله عز وجل ماشية معانا من أيام ما فنو الأوادم والعهدة على الراوي أقروا الموضوع ومخمخو وبعدين قولوا رأيكم عن هادي العادات طيب يا سيدي انت وهو والكلام للجميع الأكلات المكية ترتبط بعادات ومناسبات يعني كل اكلة ولها مناسبة زي أيش ؟؟؟ هيا خدو عندكم .... الكابلي أو الزربيان و السمبوسك و الطورمبة · هادي يسووها وقت المناسبات والأفراح للرجال أما الحريم يجيبولهم الميز طبعا زمان أول مافي لا ميز ولا يحزنون · ياكلو من نفس أكل الرجال بس يسوو قليل بريك · او بف بالجبنة والا باللحمة شغل بيتي يعني واللي تعرف تسوي · كيك بالبرتكان او الموز تسوي صينية علشان يحلو بيها بعدين جانا الميز والشغلات الجديدة هادي المعدوس ( الرز عدس ) هادا يسووه المكاكوة يوم الغيم والمطر · ومعاه روبيان مكشن بالقوطة والبصل والفلفل الأخضر وزلطة حمر وكيف لو كنا ساكنين في بلاد الخواجات على كدة · كل يوم معدوس ألين البطن تسير زي الطبلة الملوخية الخضرا هادي تتعمل في اليوم الأول من السنة الهجرية الجديدة · على الغدا من باب التفائل إنو ربنا يجعلها سنة خضرا وخير للجميع الحليب أبو الهيل هادا برضو كمانة ينشرب في صبحية أول يوم في السنة الهجرية الجديدة ( بس هادا الكلام مو صحيح ) السليق هادا يسووه في المناسبات لمن يكون الجو باااااااااااااااااارد الدبيازة معروفة على ما أعتقد للجميع يسووها للفطور أول يوم العيد المعمول و الغريبة يسووها في أيام الحج السمك مايتاكل إلا في الشعبنة علشان في رمضان الناس ماتاكل السمك بس هيا كدة عادة شعبنة يعني اضرب سمك وصيادية عشرة عاشورا ( 10 محرم ) رز زربيان الحلو و زلطة لبن أبو الفلفل السحلب يسووه في الأيام الباردة علشان يلم العضم ويدفي الجتة بالزات لو فيلو شوية جنزبيل القهوة الحلوة اللي يحطولها لوز بجلي مهروش طبعا هادي · وقت البزورة ما ينجحو والا يسقطو يسوولهم هيا قيد ماتفرق لو البيت فيلو خمسة بزورة ناجحين وتلاتة صاقطين رايحين يلغو القهوة الملوزة  وغير أكلات رمضان الخشاف و الماسية و مكارنة باللبن إزا تعرفوها و القطايف · هادي ياكلوها من السنة للسنة المجلب ( مجموعة أعشاب مخلوطة عن العطارين ) زماااااان · ويمكن دحين مافي حرمة تنفس وتولد إلا يصنجوها مغراف مجلب علشان · يكرت وصخ البطن والولادة وينظفها  الزلابية و اللقيمات ( اللنقطة ) أول ما ينقال اسمها نتزكر العيد والفطور حق العيد السلالي و المقلقل و اللحم نفتكر على طول عيد الحج يندبح الطلي · ومايبقى شي منو تبارك الرحمن كل شي يتاكل فيه حتى الرجول يسوو بيها مقادم والمفاصل نلعب بيها كبوش · والفروه يفرشوه على عتبة البيت زي الدعاسات دحين · والديل نشوح البزورة بيه زي البواكير ههههههههههههه زي ماشفتو الأكلات اللي قلنا عليها لها مناسبة أو وقت معينه تتاكل فيها مع انو يمدينا ناكلها طووووووووووول السنة مو مشكلة ويمكن كتير ناس هجروا وفلتو تباتيك زمااان الا مارحم الله بس هيا زي ماتقولوا شغلة تعود وعلى قولة المسل الله لايقطع العادة إلا بسلااامة ------------------------ منقوووووووووووووووول
|
|
|
    |
|
24-Jan-2009, 01:44
|
#2 (permalink) |
|
عضو
رقم العضوية: 9044
تاريخ التسجيل: Dec 2008
الدولة: Saudi Arabia
المدينة: مكة المكرمة
المشاركات: 45
|
رد: أكلات مكاوية
موضوع مررررة حركات
وعادات مررررة حلوة ومكة الله يحفظها ويرعاها مافي شيء يتغير ولا شيء يتبدل قد ما تسوي الدنيا دي من هوايل وعجايب نحنا مكاوكة وماراح يتغير فينا شيء وبالزات طبعنا ولهجتنا الحلوة شكرن لابو جمانة على النقل دا الجميل وشكرن لكاتب الموضوع على التزكير |
|
|
|
|
25-Jan-2009, 02:15
|
#4 (permalink) |
|
متطوع رسمي
عضو نادي مكة التطوعي
رقم العضوية: 9322
تاريخ التسجيل: Dec 2008
الدولة: Saudi Arabia
المدينة: مكة المكرمة
المشاركات: 70
|
رد: أكلات مكاوية
اشكرك على هالموضوع الجميل وحلو انه لسه في احد يفكرنا بعاداتنا القديمة ..انا لحد دحين محافظة على شرب القهوة الحلوة(الملوزة) بداية كل سنة جديدة اما باقي الاكلات بمناسبة او غير مناسبة ممكن اعملها
|
|
|
|
|
25-Jan-2009, 08:19
|
#5 (permalink) | |
|
متطوع رسمي
عضو مشارك - نادي مكة
رقم العضوية: 878
تاريخ التسجيل: Mar 2007
الدولة: Saudi Arabia
المدينة: مكة المكرمة
عدد الأنشطة: 9
المشاركات: 374
|
رد: أكلات مكاوية
الله عليك يا ابو جمانه
كإنك رجعتني سنين لورا .  . والله كانت ايام حلووووووووووه بذكرياتهاوإلى الآن نحن مازلنا نعمل بعض الأكلات هذه بس على قولة نداء صارت الأكلات بمناسبة او غير مناسبة بنسويها وجزاك الله خير على النقل الحلو
|
|
|
|
|
|
28-Jan-2009, 08:04
|
#7 (permalink) | |
|
مشرف نادي الدعاة التطوعي
إدارة نادي مكة
رقم العضوية: 555
تاريخ التسجيل: Jan 2007
الدولة: Saudi Arabia
المدينة: مكة المكرمة
عدد الأنشطة: 8
المشاركات: 2,543
|
رد: أكلات مكاوية
محمد الكنالي ــ shooosho27 ــ نداء ــ ام جمانه ــ alsabae شكراً لردودكم الحلوة ، وأكيد طبعاً إنه مكة لها عاداتها الخاصة في كل شئ وليس في الأكل فقط ، ونحن متمسكين بهذه العادات ونفتخر بها .
بارك الله فيكم جميعاً على تواصلكم الجميل ،،
|
|
|
|
|
|
28-Jan-2009, 12:38
|
#8 (permalink) |
|
عضو جديد
رقم العضوية: 7436
تاريخ التسجيل: Sep 2008
الدولة: Saudi Arabia
المدينة: مكة المكرمة
المشاركات: 3
|
رد: أكلات مكاوية
يسلااام ، و أنا بقرى كدا في الكلام حسيت نفسي من جد مكاوية..لأنو الين دحين و نحنا على نفس الشي ههههههههه
بس ما أدري ما زكرت من ضمن اللستة أكلة نحنا نسميها عندنا في البيت((مُعَمعَم)) فأنا اتلخبطت كدا و قلت في نفسي لا يكون المعمعم ماهو اكل مكاوي..وييييييي!! O_o o_O يؤ يؤ يؤ يؤ!! و شكرا لأنو الموضوع مررررررة عجبني..مية مية!! ^_^ |
|
|
|
|
29-Jan-2009, 07:27
|
#9 (permalink) |
|
متطوع رسمي
عضو نادي مكة التطوعي
رقم العضوية: 9140
تاريخ التسجيل: Dec 2008
الدولة: Saudi Arabia
المدينة: مكة المكرمة
المشاركات: 21
|
رد: أكلات مكاوية
الله يعطيك العافيه على هذا الموضوع
بس ياليت تسويلنا عزيمه وتعزمنا على هذي الماكولات المكاويه ابو جمانه ترى انا مره جيعان ههههههههههههههههههههههههههه |
|
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
|
Powered by vBulletin® Version 3.7.3, Copyright ©2000 - 2010, Jelsoft Enterprises Ltd.
LinkBacks Enabled by vBSEO 3.1.0 .. |
||||||
| Arab Volunteering World 2006-2008 (AVW) عالم التطوع العربي | ||||||
العرض العادي
