~~~

بسم الله الرحمن الرحيم

أهم ما استفدناه في هذا الدرس هو الدرجات اللونية و طريقة المزج بالفرشة

أي جسم أو عنصر في أي رسمة ...لازم يكون مكون من أكثر من درجة لونية ..حتى لو كان لون واحد أحمر مثلاً..نشوف فيه درجات مختلفة من اللون الأحمر .. و هذا يعطي واقعية..

طبعاً انا هنا أتكلم عن الرسم الواقعي ...يختلف عن الرسم الكاريكاتيري و رسم الخيال و رسوم المتجهات اللي ببرنامج كوريل درو و برنامج اليستريتور و غيره ..

كيف نعرف الدرجات ..من كثرة متابعة الصور ..لازم مخزون بصري ..لما أبي أرسم أي أبحث عن صور أشوف كيف طريقة رسمة و كيف ألوانه ..


الشيء الثاني :

المزج بأداة الفرشة ..

اللي اشوفه انه أغلب الأعضاء و المتدربين يستخدمون أداة الإصبع في المزج ..

وأنا شخصياً ما أحبذها كثير...أعتمد في رسمي على الفرشة ..

نفس الشيء اشوفه في مواقع الفنانين..ما يستخدمون أداة الإصبع كثير..

كيف نمزج بالفرشة :

مثل ما وضحت لكم فوق في الشرح و مصور بالفيديو ..

مثلاً رسم الكرة ..

بالأول ..نحط لون كأساس... و نضغط قوة بالقلم أثناء التلوين ..

لما نبي نمزج ألوان ثانية ..نمزج بخفة فوقه ..و نحاول انه الألوان تمتزج ..

طبعاً يحتاج تدريب



مكملات الألوان :

بالنسبة لمكملات الألوان ..
فائدتها هو التناسق ..
فلو كانت اللوحة أغلبها لون احمر ...هذا متعب للتظر ..نحتاج ان نجعل بعض الأجزاء لونها أخضر فترتاح العين و يصبح هناك تماثل ..

و هذا الأمر الموجود في لوحة الفنانة ميلاني المذكورة في الشرح ..
كذلك اذكر منذ فترة بعيدة رأيت رسمة تفاحة حمراء و ظلها كان لونه أخضر غامق و هذا لون موفق ..

و نفس الأمر مع بقية مكملات اللوان

اذن الهدف هو اراحة العين و حصول التناسق ..

هنا موضوع لطيف يتعلق بشكل بسيط بهذه الجزئية ..






~ المرفقات : ~

1- كتاب الألوان :


للتحميل

الكتاب لا تقرأونه الحين ....خلوه بعدييين ...


2- فرشة الشعر - إن شاء الله بنحتاجها في درس رسم البورتريه
للتحميل

3- فرش متنوعة ( شعر - مزج و تلوين ) من الفنانة melanie delon

للتحميل



~ مقاطع الفيديو : ~

اضغطوا على الصور ..للتحميل ..

1- مقطع رسم كرة :





( المقطع ليس كامل ...فقط لتوضيح الطريقة .. و إلا فان الكرة تحتاج إلى لمعة و تعديل اكثر )


2-مزج الألوان المتجاورة داخل المستطيل ...



3- تكملة مزج ألوان المستطيل ...






4- مقطع نفس المقطع رقم 2 ..
لكن في المقطع رقم 2 حسيت انه ما وضح ( اني اخذ اللون بالقطارة ..شكل القطارة ما يطلع بالفيديو )
و في هذا المقطع اضغط على ايقونة اللون ..عشان تفهمون اني كل شوي اغير اللون ثم امزج ..



5- مقطع مشابه لمطقع الكرة ..
لزيادة الوضيح ..( رسمته على السريع ..ما دققت فيه كثير ..)





~ الواجب : ~

1- رسم سكتش ..لأي صورة من عندكم ..

2- رسم أي جسم ثلاثي و مزج ألوانه ( كرة أو باالونة , أو قلب ..الخ ) ..اختاروا أي لون و تدرجاته ..أو تدرجات مختلفة ليست من نفس درجة اللون ..

3- مزج هذه الألوان ..




الطريقة :
بالفرشة الناعمة ..

يدنا اليمين ماسكة القلم .. و اصبع السابة لليد الثانية يكون على زر Alt

نمزج لونين مع بعض بخفة .. و اللون الجديد اللي ينتج ناخذه بأداة القطارة بأني اضغط على Alt و أنا ما سكة القلم ( كذا اسرع ) .. و نكمل مزج و اذا طلع لون جديد ...مره ثانية اضغط على alt و امزج بخفة و هكذا.
يمكن بالفيديو ...مو واضح انك كل شوي اخذ أداة القطارة ..






~ أمر مهم : ~

بكرة ان شاء الله ما فيه درس و يمكن بعده حتى ..لأني ابيكم تتقنون مزج الألوان ..لأنها أهم شيء ..
و ترى شيء طبيعي ما راح يضبط معكم المزج من أول مره ..
لازم خفة يد و محاولة لأكثر من مره ..



يعني جربوا ارسموا ...مره و مرتين ...إلى إن تحسون انكم قدرتم على المزج ..





أي سؤال تفضلوا .. سواء عن هذا الدرس أو الدرس الماضي ..