salsabeel

Contact Info

ماوتسى تونغ

الله على موضوعك الجميل ...وطبعا ده بيتوافق مع احتفالتنا باليوم العالمى للبيئه.
طب خلينى اسالك سؤال حضرتك لك خبره بالتشجير سابقه ..

التدريب المستمر .... من ضروريات الحياة

salsabeel

شكرا لمشاركتك و ترحيبك بالفكرة
و بالنسبة لخبرتى فى التشجير انا مش دارسة فى مجال الزراعة و لكن لى خبرة بسيطة من باب الهواية
و على فكرة الأشجار بخلاف النباتات الصغيرة بتكون لها قدرة على التحمل أكثر و بالتالى ما بتكونش محتاجة عناية كتير يعنى الخبرة البسيطة هاتكون كافية باذن الله
و ممكن نختار أنواع تكون سهلة فى العناية نتفق عليها

ماوتسى تونغ

يعنى لو حبينا نعمل نشاط تشجير فى احدى مناطق القاهره اكيد هتكونا معنا ..؟؟؟؟ ولاايه

التدريب المستمر .... من ضروريات الحياة

salsabeel

اسفة على التأخير فى الرد بس انا ما اقصدش اننا ننزل نعمل حملات تشجير فى مناطق معينة فكرتى هى اننا نشجع الناس على التشجير و الاهتمام بالخضرة و تكون مشاركة كل واحد حابب يشارك معانا فى المكان اللى هو فيه بمعنى انه يهتم بتشجير بيته و من ثم المنطقة المحيطة بيه

dalietta

السلام عليكم و رحمة الله و بركاته
فكرة رائعة , اتمنى فعلا ان نشوف مصر الخضرا وبجانب الاثر الايجابى على البيئة و الجو العام لمصر و تقليل التلوث و بالتالى صحة المصريين ال هتتاثر تاثير مباشر بحملة التشجير هيكون فيه جانب جمالى مش غرضه جمال المنظر بس لانه كمان هياثر على الراحة النفسية للانسان لما عينه تشوف اللون اللاخضر فى كل مكان ,بجد مشروع جميل و ثوابه عظيم .
و انا متحمسة لفكرة عمل حملات تشجير فى مناطق معينة لايمانى بالعمل التطوعى الجماعى بجانب العمل بشكل فردى سواء لتشجير المنزل او الشارع و ايضا التوعية لاهمية التشجير .
يا ريت يا سلسبيل تمدينا بمعلومات و افكار اكتر عن الموضوع ده لانه فعلا مهم و اتمنى يكون للنادى دور فى ان مصر تكون خضرااااااا

salsabeel

شكرا لمشاركتك يا dalietta
و الحقيقة انها فكرة كويسة جدا حكاية تشجير مناطق معينة لإن أثرها كمان هايكون أوضح و هاتكون على نطاق أكبر و فرصة كمان ان احنا داخلين على اجازة الصيف يعنى شباب كتير ممكن يشاركنا فى تنفيذ الفكرة
و فى أنواع من الأشجار مش محتاجة عناية كتير و لا مجهود كبير سأذكرها فى مشاركةتانية باذن الله
أهم خطوة دلوقتى ان احنا نعمل صيغة فيها أهداف الحملة و خطة العمل و كل التفاصيل و نبدأ فى نشرها
فى انتظار أرائكم

ماوتسى تونغ

انا ما اقصدش اننا ننزل نعمل حملات تشجير فى مناطق معينة فكرتى هى اننا نشجع الناس على التشجير و الاهتمام بالخضرة ...............!!!!!!!!!!!!!!!!!!!!!!!!!!!!!!:icon 141:





شكرا لمشاركتك يا dalietta
و الحقيقة انها فكرة كويسة جدا حكاية تشجير مناطق معينة لإن أثرها كمان هايكون أوضح و هاتكون على نطاق أكبر و فرصة كمان ان احنا داخلين على اجازة الصيف يعنى شباب كتير ممكن يشاركنا فى تنفيذ الفكرة.



)

التدريب المستمر .... من ضروريات الحياة

salsabeel

شكرا لك يا ماوتسى
و الحقيقة ان فكرتى كانت فى البداية هى مجرد زيادة الوعى الثقافى عند الناس و تعريفهم بمدى أهمية الشجرة فى حياتنا و حثهم على الزراعة أو التشجير و لأن دى أول محاولة لي للمشاركة فى عمل تطوعى طلبت رأيكم و إقتراحتكم و يمكن لما رديت عليا حضرتك فى البداية حسيت ان موضوع نزول مناطق معينة ممكن يكون شاق و محدش يرحب بيه بس بعدين شجعنى تحمس Dalitta و اننا نمسك الموضوع من الجانبين توعية و تشجيع الأفراد بجانب العمل الجماعى و اسفة ان كنت ما وضحتش فى ردى على Dalitta ان فكرة نزول المناطق هى فى الاساس فكرة حضرتك جزاك الله كل خير
و اتمنى مشاركتكم فى تطوير الفكرة لحد ما نوصل مع بعض لصورة نهائية للحملة ونبدأ فى تنفيذها باذن الله

ماوتسى تونغ

ابدا حامدا الله عز وجل على سعه صدركم فى الرد .... كما اتبع الحمد استغفارا ان يكون قصدى نسب الفكره لشخص دون شخص واتبع الاسغفار رجاء من الله عز وجل ان يوحد جهودنا فى النادى حول فكره تخدم الناس فافضل الناس انفعهم للناس......وبعد ان حمدنا الله واستغفرناه ورجوناه .
اتقدم الى شخصكم الكريم والى الفاضله داليتا بكل التايد للفكره واقبلونى متطوعا معكم فى فكرتكم والى ان اصل معكم لتصور معين ارشح لكم نموذج لكتابه الفكره موجود فى ( دليل استخدام اقسام المواقع والانديه تحت عنوان ( كيف تبنى وتتبنى .....
http://www.arabvolunteering.org/corner/avt6630.html

التدريب المستمر .... من ضروريات الحياة