صيام يوم الاضراب

ماوتسى تونغ · 02-May-2008, 09:32

بسم الله والصلاة والسلام على رسول الله ..

أما بعد

إضراب جديد يوم 4 مايو

كل الناس عصرت دماغها علشان تفكر فى أفضل وأنجح الوسائل اللى ممكن تنجح الإضراب ده وتضمن تحقيق اكبر كم ممكن من المطالب الشعبيه
والحق يقال الشعب المصرى ده اثبت انه ذكى وناضج وحيوي ودايماً مبتكر ..

لفيت وشفت كل الجروبات والمنتديات وقريت أغلب اللى اتكتب فيها من مناقشات حول الإضراب الجاى .. شفت شباب الله ينور عليهم .. اتمنيت اكون معاهم .. رغم انى اكيد واحد منهم وزيهم لكن للأسف مش هقدر اكون معاهم .. لأسباب كتير جداً
كنت حزين وحاسس انى نكره ولا شيء وسلبي ..

فكرت انى اعمل أى حاجه .. أى حاجه تحسسنى انى قمت بدور ولو بسيط فى الإضراب
ملقيتش غير انى اقول فكره جديده ومبتكره محدش قالها .. لربما الناس تنفذها ويكون ليها أثر ايجابى ان شاء الله وتكون من ضمن اسباب نجاح الإضراب

عصرت دماغى وفكرت ثم فكرت ثم فكرت وظللت افكر ثم أفكر ثم أفكر ..

حتى وجدتها ..

أيه رأيكم لو نضيف لفاعليات الإضراب (الصيام تطوعاً لله .. لمن استطاع ولا يكلف الله نفساً إلا وسعها )

وكمان صلاة ركعتين قضاء حاجه بالليل قبل الفجر .. فجر يوم 4 مايو

الصيام ده علشان نقول لربنا يارب احنا مش بنضرب علشان مصالحنا احنا وبس
احنا بنضرب علشان انت أمرتنا بالتغيير وانت اللى قلت (لا يغير الله ما بقوم حتى يغيروا ما بأنفسهم)
الصيام ده علشان نقول لربنا ان احنا مهما عملنا ضعفاء ومساكين ولا حول لنا ولا قوة .. إلا بك
انت يارب اللى هتساعدنا وتقوينا وتأيدنا .. انت يارب اللى هتوفقنا لنجاح مطالبنا .. انت يارب اللى هتخوف الظلمه والطغاه مننا .. انت يارب اللى هتفشل مخططاتهم لافشال الإضراب

يارب احنا هنبدأ أول المشوار بخطوه مننا .. بس احنا مش هنقد نكمل إلا بعونك وبقوتك وتأييدك

يارب احنا هناخد بالأسباب كلها .. بس احنا عارفين ان النجاح كله من عندك انت وبس

يارب احنا بنضرب مش علشان مصالحنا وبس .. احنا بنضرب علشانك انت .. علشان انت مش بتحب الظلم .. وعلشان انت مش بتحب الإحتكار .. وعلشان انت مش بتحب الفقير ينام جعان

وعلشان انت حق .. بتحب الحق .. واحنا عايزين الحق يرجع ويعود ويسود ..

والله المستعان

انشرها ولك الأجر والثواب

قال رسول الله صلى الله عليه وسلم ( الدال على الخير كفاعله )

وكل إضراب وانتم بخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري