المساعد الشخصي الرقمي

مشاهدة النسخة كاملة : من متطوع الى متطوع .. تفضلوا عرفوا بحالكم



PatrioT
12-Nov-2007, 11:19
مرحبا.. يعطيكم العافية..
أكيــــــــــــــد اليوم كان غير شكل
بس معلش يا رفاقي.. اسمحولي أن أقبل جراح المجروحين وأن انحنى تقديراً لكل من شارك في تأبين القائد المغوار..

اليوم أطرح فكرة وهي أن نتعرف أكثر على بعضنا من خلال المنتدى.. متلاً الإسم والعمر والجامعة والتخصص والهوايات.. (ازا الصبايا ما بدهن نجيب سيرة العمر...ماشي)..

بالنسبة لإلي..
الإسم: محمد
العمر: 23
الجامعة : جامعة بيت لحم
التخصص: علاج وظيفي
بانتظار التخرج
الهوايات: المطالعة والمشي وسباحة
الشخصية المفضلة: صدام حسين
المقولة المفضلة: عندما تكون كنوزنا قريبة جدا منا.. لا نلاحظها أبداً
منطقة السكن: قطاع غزة- فلسطين

شوووو بالنسبة إلكم..؟


تحياتي

غسان ابو مسلم
12-Nov-2007, 11:30
حبيبي يا حج انا غسان
العمر 21
الجامعة الزهر
التخصص كلية الحقوق المستوى الرابع
مكان السكن بدرو انا من قطاع غزة الحبيب
الهوايات القراءة والرياضة بكل انواعها ماعدا السباحة لاني مبعرفش وبغرق في شبر ميا
الشخصية المفضلة ياس عرفات لاونو بجد نقلنا من مرحلت الا وجود لشعب صاحب انبل قضيا في العالم
المقولة المفضلة اينما وجد الظلم فهناك موطني
بتمنى اصلي بالكعبة وازور ضريح الشهيد ياسر عرفات
واحصل على وظيفة منيحة بس بمواصفات عادية مش زي الي طالبها مرعي

PatrioT
12-Nov-2007, 11:32
يا أهلا وسهلا عزيزي غسان وأكيد رح أتشرف بإنو أتعرف عليك شخصياً
حبيبي يا حج .. بس بدون كشرة..


تحياتي واهلا وسهلا فيك مجدداً

مرعي بشير
13-Nov-2007, 12:42
غسان ومحمد اهلا فيكم وانا
اسمي مرعي بشير
عمري 22
بدرس حقوق وبشتغل مدرب مهارات حياتية وممثل مسرحي ومنشط دعم نفسي بعرف مش راكبين على بعض بس شو نعمل عصفوا في الايد ولا عشرة على الشجرة....
بحب المواقف الرجوولية اللي كلها شهامة سواء من الشاب او من البنت
ساكن في دير البلح وحارتنا وضعها صعب مقسومة نصفين
معلق في غرفتي صورة كبيرة لحنظلة لاني بعشق هاي الشخصية وهو حنظلة هو اقرب صاحب اللي...حاولت احب والاقي فارسة احلامي بس للأسف اصطدم هذا الحب في الجدار الفاصل ورجعلي ثاني....
.هواياتي هيا القراءة والمسرح
بحب مقولة لمحمود درويش (علمتني ضربة الجلاد أن أمشي على جرحي ثم أمشي وأمشي وأقاوم)
بحب الامل وبحب الحياة طبعا مش اللي في غزة.....
نفسي ازور الضفة واتزوج ضفاوية وازور كل شبر بفلسطين واصير دكتور في الحقوق بس من فرنسا
اكلتي المفضلة هي المسخن طبعا اكلتو والمنسف طبعا مااكلته واللي بحب يعزمني على منسف انا جاهز وخصوصا محمد الرزي..ههه
واللي بحب يعرف كمان
يزور موقعي الشخصي
www.3dala.uv.ro

غسان ابو مسلم
13-Nov-2007, 12:49
ايش يا عم مرعي قلك عرف حالك مش اعزم حالك عالعموم بس اذا بتلاقي حدا يعزمك خدني معك وبلاش قصة فرنسا خلينا عقد مصر
وبالنسبة للحب انا شخصيا نفسي الاقي شب بحب في غزة وبينجح اصلا انتو نحسين

PatrioT
13-Nov-2007, 12:55
له له يا شباب ... أسيبكم نص ساعة وأرجع ألاقي اللي بيندب حظو واللي بيعزم حاله واللي بتمنى ومش طايل... شووو يا جماعة...

الله كبير .. وكل شي بوقته حلوو حتى اكله المنسف يا مرعي.. ههههههههههههههههههههههههه

ولا بد لليل ان ينجلي ولا بد للقيد ان ينكسر


ودمتم

مرعي بشير
13-Nov-2007, 12:56
واللهي يااخ غسان انو مش احنا النحسين احنا مافي منا بس خلص شو نعمل
ارضينا بالهم والهم مارضي فينا

أحمد الفلسطيني
13-Nov-2007, 04:43
مرحب

أسمي:أحمد الغلسطيني
العمر:21
سكان:غزة
الدراسة:طالب حقوق
الهوايات التطوع من أجل فلسطين والوطن والكورة والانترنت خصوصا
اتطلع الي المستقبل بعين الي المستقبل الواعد وعين الي التحرير
وانا بحب ع فكرة القراءة الشعرية العربية الرومنساية وكمان الادب العربي وتاريخ فلسطين
يذكر شاركت في العديد من المنتديات والمراكز وعندي شهادة
أهمها مركز الميزان لحقوق الانسان وايضا دورة لغة انجليزية متوسطة من منتدي شارك الشبابي وبانتظار الشهادة النهائية ادعولي
شخصيتي المفضلة : الاسطورة أبوعمار ابي الحنون
بحب اسمع أغاني كتير منها الوطنية التراثية والوطني الجديد
وبحب اليموزك الاجنبي والعربي متل عمرودياب وكاظم وتامر حسني


أنا بحبش احكي عن نفسي كتير
يعطيكو العافية

عبد الهادي بشير "أبو بشار
13-Nov-2007, 04:28
شباب ,أكيد يعطيكم العافية اليوم على الوقفة الرجولية الي شرفت فلسطينكلها , ومعلش على الي صار , وما بننتضر منهم أفضل من هيك ,رحممرحبا الله شهداء مجزرة الكتيبة وأسكنهم فسيح جناته,والشفاء العاجل لجرحانا البواسل, وشكر كبير لكل من شاركنا فى حفل التأبين الكبير في ساحة الكتيبة ,وعلى العموم :
أنا عبد الهادي بشير
طالب سنة رابعة بجامعة الأزهر / كلية التربية/قسم اللغة الإنجليزية
ساكن بمدينة دير البلح
عمري 22 سنة
متطوع في منتدى شارك الشبابي ومركز رام الله لدراسات حقوق الإنسان العديد من المؤسسات الأخرى,
المهم أنوا أنا هالوقت بنتضر تخلص هالسنة الباقية وأتخرج من الجامعة لأني ناوي إنشاء الله أكمل الدراسة في اي بلد لاني بصراحة مع ايماني العميق بقضيتنا العادلة في فلسطين الا إني طموح لتجربة جديدةلان الانسان بحاجة للتغيير دائما ,وممكن أنوا الانسان يسافر ويجرب ويلاقي بلده أفضل فيرجع عاااااااااادي يعني.
المهم أنوا هواياتي لعبة تنس الطاولة وتصفح الانترنت وقراءة الشعر
شخصيتي المفضلة هي هي أبو عمار وبعده هتلررررررررررررررررررررررر
من المقولات المفضلة عندي "لن أرحم الضعفاء حتى يصبحوا أقوياء ,إن أصبحوا أقوياء فلا تجوز عليهم الرحمة" هي دموية بس الوضع يتطلب.
بحب أسمع الموسيقى كتير خاصة فيروز في الصباح ومارسيل خليفة وكاضم الساهر "أدمان"
بحب الأفلام الاجنبية كتير , وبحب بعض المغنيين الأجانب
وأخيرا أكتر أكلة بحبها المعكرونة وبسسسسسسسسسسسسسس
تحياتي حبايبي كلكم وإنشاء الله بنشوفكم كلكم بخير وصحة جيدة باااااااااااااااااي.
أبو بشار.

PatrioT
14-Nov-2007, 09:58
شكرا للجميع على مروركم...
وانا بتشرف بمعرفتكم جميعاً


تحياتي

المحامي
15-Nov-2007, 02:03
مرحبا شباب وصبايا سعيد جداً باني انضم لالكن واعرفكم بنفسي ..
اسمي حازم ..
طالب بكلية الحقوق بجامعة الازهر المستوى الرابع ..
عمري 21 سنة عندي خبرة لا بأس بها بالعمل التطوعي حصلت على شهادات كثيرة في هذا المجال ..
عملت كمتطوع للسنه الثانية بمركز الميزان لحقوق الانسان ضمن برنامج تعليم الاقران .. من خلالها تمكنت من عقد عدة دورات حول حقوق الانسان داخل الجامعة
- بالنسبه للمقوله المفضله عندي هي (عش كل يوم كأنه آخر يوم من عمرك.... لأنه يوماً ما سيكون كذلك)

- طبعا بحب الشخص الرجولي لكن ما بحبها تكون موجوده بالبنت :swsw:
- وبالمقابل أكره الشخص الاتكالي
بيكفي هيك واللي عندو اسأله سعيد بالاجابه عليها :icon3:
بأمان الله .....

nadine00
15-Nov-2007, 04:05
مرحبا ياجماعة
جد شكرا كتير لكل انسان شارك بإحياء ذكرى الخالد ياسر عرفات، سواء مشاركة ايجابية:) أو مشاركة مش إيجابية بالمرة :(

و ياشباب مش عارفة شو مالكم هدو شوي.
أما بالنسبة عني
الاسم :ندين
العمر 20 سنة
المهنة :طالبة جامعية بجامعه الأزهر
التخصص: حقوق
هواياتي: مابعرف بحس انو الي كتير هوايات بحب أعمل كلشي بحب التغيير، بحب كتير الرياضة و بحب كنتير القراءة و بحب كتيرررررر السباحة و بحب الكتابة و التمثيل و الرسم
السكن:أنا بسكن في مدينة غزة، وبكل فخر فلسطينية الجنسية و الهوية والانتماء
و بحس انو عندي مشكلة كبيرة مع التغيير عشان هيك مابحس حالي بنجز بموضوع واحد. أكثر شي بيزعجني التفكير السطحي و أكتر شي بحترمه الصراحة لأبعد الحدود. وفي شغلة كمان بحب كتير إني أضحك حتى لو كنت مجروحة لأبعد حد لأنو بحس أنو البسمة هي أول طريق للنجاح و بحس أنو الحزن مشاعر خاصة جداً
المقولة اللي بحبها: (إذا ركلك أحد من الخلف فاعلم أنك بالمقدمة)
في شغلة أخيرة كتير بحب أحلم وأفكر في بكرة، بحلم بكتير شغلات بحلم أنو تكون بلدي أحلى بلد بالدنيا ، بحلم أنو كل اللي حواليا يكونوا مبسوطين ، وبحلم أنو عنجد أشكل فرق.
بس بتمنى أنو تكونو فهمتوني صح. بعرف انها خبيزة :) بس هاي أنا

مرعي بشير
15-Nov-2007, 06:16
هههههههههه حلوة خبيزة
انا شايف خبيزة راح تتعمم بس بتمنى اظلها كلمة السر بينا كفريق متطوعين بنادي فلسطين التطوعي ومشكورين ياشباب على هذا التعارف الجميل وانشاء الله يارب بتحقق احلامكم كلها ....انا بعرف انو اغلب احلام شباب غزة بتوصل بس لعند معبر رفح ولعند الجدار واذا زاد الحلم لابعد من هيك بصير كابوس....على كل ربكم لمن يريد احلامكم حتتحقق.....
بس تأكدوا اجمل وردة بالكون هيا الوردة اللي بتطلع من بين الصخر
اخوكم
ابن الوطن المحتل
مرعي

PatrioT
15-Nov-2007, 12:42
شكراً حازم وندين على المرور..
أكيد بتتشرف فلسطين بمعرفتكم وان شاء الله بنكون كلنا قد المسئولية وبنكون جزء من حركة الشباب الواعي المثقف الذي لا يتعامل بردود الأفعال المباشرة والسطحية..
صدقوني أنا متفائل كتير... والله شيئ رائع يا شباب لما نلتقي بهالمكان مشان فلسطين.. هي اللي بتحركنا وهيي اللي بتخلينا وبتجيبنا. خاليين من أي أحقاد لأنو إحنا بالنهاية تحت إحتلال كان السبب في شرذمتنا وتصفية قضيتنا الأعدل من العدل نفسه...

تحياتي الحارة وإلى الأمام يا شبااب


محمد

محمد شحادة
19-Nov-2007, 07:55
السلام عليكم كيفكم شباب بأتمنى تكونوا بخير
أنا وأعوذ بالله من كلمة أنا
إسمي محمد شحادة
من مدينة دير البلح
دبلوم خاص إدارة مؤسسات
عمري 23 سنة
وقرفان كتير كتير قديش بحاول أشغل نفسي في أي شئ إلا إني بألاقي وقت أقرف فيه وبيكون طويل يا الله ما أطوله، نفسي يفتح المعبر علشان أطير أركب جنحان وأطير على فكرة أنا أكتر إنسان بفلسطين قبل 6 شهور كنت معارض مسألة الهجرة رافضها رفض تام لما كانوا الشباب يحكولي بدنا نهاجر على أي بلد أنا أصير أوبخ فيهم وأحاول أقنعهم بإنه هالبلد أحسن من غيرها وهاي بلدنا ما بصير نتركها بس المشكلة هالوقت إني بفكر بنفس فكرهم تقريباً ومش لاقي حد يقلي أنت غلطان.

صحيح إنسيت أحكيلكوا أنا كنت بشتغل قبل 14/6/2007م. في قوات الأمن الوطني وهالوقت بالنسبة للشغل عواطلي مثل ما بيسموها.
بالنسبة للهوايات كان عندي لكن مش عارف وين راحو أنا وين حاططهم مش عارف عقلي صار يفوت المهم بالنسبة للشخصية المفضلة ما في حد بفضل شخصيتي أنا قدوة نفسي والله يرحم الجميع.

وبالنسبة للسمعيات بحب أسمع الأغاني الهادية والهادفة والمعبرة يعني بسمع لأم كلثوم لعبد الحليم نجاة سعدون جابر كاظم الساهر مرسيل خليفة وأمثالهم.

إتطوعت كتير لدرجة إنه صار التطوع عندي إدمان ما بقدر أستغنى عنه ونفسي طويل في التطوع لكن في هالوقت بأتطوع بس في المنطقة ما بطلع كتير والفهيم بيفهم لحاله.

بدي أحكي كلمة أخيرة بعرف طولت عليكوا بس إيش بدنا نعمل مع القرف بيعن ربنا
الأخت نادين بتحكي إنه من هواياتها التغيير وهاي مشكلة كبيرة يا أخت نادين إحنا قرفنا تغيير وإصلاح يعني بأتمنى تلعبي رياضة تقرئي تسبحي تكتبي تمثلي ترسمي لكن قصة التغيير سيبينا منها لأنها عقدتنا.

وشكرأكتير

وتحياتي للجميع بس دون تغيير

غسان ابو مسلم
19-Nov-2007, 09:39
شو يا ابو شحادة شو هالياس انا بقولك ابتسم لان الله ربك لان الله خلقك في اجمل صورة و اعطاك العقل ابتسم لانك في فلسطين ارض الرباط وما تنكسر من الوضع الي بنشوفه هلأ لانو هاي حالة شازة وبكرة بتتصلح الامور ولازم كلنا نمشي بقول الخالد ياسر عرفات لما قال
يا جبل ما يهزك ريح

أحمد الفلسطيني
20-Nov-2007, 12:41
مرحب
شو هاليأس الي عندك خيووووو اتفأل خيووو
شو بدنا من حلوة الدنيا غير ضحكة منك وضحكة من دنيا مرة واصبر مابعد الصبر الا الفرج .........
وهي حالنا وبايدنا نغيروا ان شاء الله خير
وبذكرك بقولة ابي الراحل ابوعمار ياجبل مايهزك ريح......

nadine00
20-Nov-2007, 07:38
أهلا فيك أخ محمد
بس عنجد التغيير مشكلة. بس بتعرف حتى بالرغم من أنه التغيير صار مشكلة بحياتنا لأنو مش لاقين حد يغير للأفضل.بس أنت كمان عم بتغير و بتتغير وماخد نفس الأسلوب.ولو ماعندك نفس مشكلتي اللي هي (التغيير ) كان أنت هلا مبسوط بوضع البلد و كان ما فكرت إنك تتطوع لحتى أدمنت على التطوع ، و كان ما فكرت كمان إنك تسافر تدور عمستقبلك برة بلدك.
شكلو التغيير ورانا ورانا ومادام احنا فلسطينية فأكيد قدرنا هو التغيير

PatrioT
20-Nov-2007, 09:04
عزيزي محمد شحادة..
صدقني لا يوجد من يحب الوضع الحالي في غزة غير أننا نحاول أن نتحدى هذا الواقع لنجعل حياتنا أجمل وبالتأكيد منا من ينجح ومنا من يفشل وهذا طبيعي.
صدقني لن نعرف قيمة هذه الأرض إلا عندما نخرج ولو ليوم خارجها..أنا جربت ذلك وكنت لا أطيق الإبتعاد عن غزة ولو لمدة قصيرة.. يا رجال في شغلة غريبة رح تلاحظها انو بتشدك لهالبلد.. فما بالك بالناس الوطنيين واللي عندها أنتماء لهالأرض متل افضالك..
اللي بدي أقلك ياه.. معركتنا معركة وجود وصدقني لازم نقهر السجان .. بيوم من الأيام رح يسقط السجان.. هذا وعد مني وإن شاء الله بكون صادق فيه..

(كتير عجبني هبة الشباب وهم بيحاولوا يقولولك تفاءل يا محمد .. الشكر موصول للجميع للمشاركة)

تحياتي
محمد

محمد شحادة
21-Nov-2007, 08:48
مرحبا شباب وصبايا
بجد ما بعرف شو بدي أحكي لكن بجد أنا سعيد ومتفائل بمواقفكم
وبحكي إذا الجميع عندهم هالروح الوطنية معناته أكيد ربنا راح يفرجها عن قريب
وبأتمنى إنا نكون إحنا نوات التغيير للأفضل


وتحياتي وتقديري للجميع

غسان عياد
23-Nov-2007, 11:13
مرحبا احبتي
عزيزي مرعي وغسان تحياتي للجميع بيشرفني اني اتعرف علي الاعضاء المتطوعين والي بتهمهم هايي الفكرة بمجملها


وهاي السيرة الذاتية يا حج




الإسم: غسان عياد
العمر: 20
الجامعة : جامعة الازهر
التخصص: الحقوق
الهوايات: المطالعة والرياضة بشتي انواعها
الشخصية المفضلة: ياسر عرفات ابانا الختيار ابو عمار
المقولة المفضلة: شهيدا شهيدا شهيدا
منطقة السكن: قطاع غزة- فلسطين

مع اجمل تحياتي للاخوة الاعزاء المتطوعون واتمني لكم وافر الصحة والعافية

PatrioT
24-Nov-2007, 04:13
شكرا لمرورك من جديد محمد شحادة:)
والشكر موصول لمسيو غسان عياد واكيد كلنا بنرحب فيه
وان شاء الله بنتواصل عن قريب ..


تحياتي
محمد

غسان ابو مسلم
25-Nov-2007, 11:59
ندين هلا بيكي انت عمرك 20 سنة بمعنى انو انا اكبر منك يعني الاجتما ع الجاي ياريت لما تشوفين تحكيلي يا عمو مش غسان حاف بتغمسيها بالخبيزة الي مرعي لما حب يغديني غداني منها مع انو كان يوم جمعة والناس المفروض بتعمل اكل احلى وخصوصا للضيوف بس يالله النصيب وشو بدنا نسوي
وتحياتي للجميع وهلا بيكم
ودمتم بخير

أحمد الفلسطيني
26-Nov-2007, 12:35
ههههههههههههههههههههههههه
هيك يامرعي تعمل في غسان يسامحك ربنا ,,,,,,,
المهم طيب بمناسبة الخبيزة طب هي مش معادة الان في الشتاء بتطلع,,,,
طيب انا مستعد اعزمكم علي احلي اكلة خبيزة كلكم ,,شباب وصبايا واذا حد من الاندية الاخري انابدوا يشركنا يتفضل معزوم
مستعد وبس انتو حددوا يوم وانا مستعد.......
وتحياتي للجميع,,,,,
أحمد الفلسطيني

مرعي بشير
26-Nov-2007, 12:48
مرحبا شباب كثير جميل طريقة تعارفكم على بعض.....وكثير سعيد بهالشي انو نلتقى بمكان ونعبر فيه عن حالنا بطريقة مختلفة.....بعرفكم بتحبوش الحكي الزيادة....بس شو نعمل محامين شغلتنا البرم....المهم بالنسبة لموضوع الخبيزة....انا بالاساس مابحبها....فكيف ياغسان مسلم راح اعزمك على خبيزة وانا مابحبهاش طبعا مع احترامي للخبيزة لانو الخبيزة طبخة فلسطينية اصيلة....بس حاب اوضح هالشي ....انو ما قصدت اهين الخبيزة باتهامي لتفكير البعض بالخبيزة لا بس كنت بدي اوصل رساله انو في اشي اهم من الخبيزة وانو مايكون تفكيرنا محدود بمعنى انو ماتكون الخبيزة اعلى سقف تمنيات في حياتنا المطبخية...هههههههه
الى اللقاء اصدقائي على احلى اكلة خبيزة بس مع منسف ومسخن لانو اللي مابحب الخبيزة بلاقي غيرها
اخوكم ابن الوطن المحتل
مرعي بشير

أحمد الفلسطيني
26-Nov-2007, 01:00
شو مرعي مالك داخل شمال فينا بس انا والله مابحب ولا طبيخ مصيبة بس انا شيفهم نفسهم فيها لانو في ناس مابتعرفها الخبيزة حبيت اعزمهم واعرفهم عليها لانو الوالدة تظبطها100% بس انا مابحبها,,,,,,,,
لكن اذا بدك منسف انا مستعد,,,,,,,,,,,,,,
ولا مفتووووووووول,,,,,,,,,,,
اش رايكم في العدس,,,,,
ههههههههههههههههههههههه

PatrioT
26-Nov-2007, 06:56
مرحبااااااااا شباب
بشوف انو الموضوع صار.. من طباخ إلى طباخ.. بدل من متطوع لمتطوع... بس شي حلوو بجد..

خلونا بإطار تعارفنا نحكي عن الأكلات اللي بنحبها .. حتى عالأقل ازا فكر حدا منا يعزم حدا من المجموعة يعرف شو بيحب وشو ما بيحب...


انا عن نفسي :
بحب المعكرونة والمسخن...

تحياتي

hb2007
07-Feb-2008, 01:00
السلام عليكم ورحمة الله وبركاته
أخوكم في الله حازم عمري 22 سنة درست بالجامعة الاسلامية و تخرجت منها والحمد لله ببكالوريوس تمريض 2007 من سكان جنوب القطاع الصامد رفح التحدي و الفداء طبعا بحب كتير عالم السيارات ميش عارف ليه بحس حالي وانا بسوق بقدر افرغ مشاعري طبعا مشاعر الكبت والحزن يلا كله ماشي حاله و كمان بحب كتير القراءة و حابب أتغير و أكون انسان ايجابي في حياتي و أفيد غيري على قد مقدر و اتعرف على الناس يمكن اتغير من جوى و بصارحة و ما بخبي على حده الحب مشروع فاشل في ها البلد هادي عندي مسلمة اه على فكرة انا هلقيت متطوع بمستشفى ابو يوسف النجار و متطوع كمان بجمعية المركز الطبي الخيري برفح بحب اللحم الابيض كتيييييييير :sdd: ما تفهموني غلط :) يلا انا في انتظار ردودكم و يا ريت يا شباب تبعدو السياسة عن المنتدى انا عندي حساسية منها عيشو الحياة بطبيعتكوا
يلا السلامو عليكو .
:D

hb2007
07-Feb-2008, 01:01
السلام عليكم ورحمة الله وبركاته
أخوكم في الله حازم عمري 22 سنة درست بالجامعة الاسلامية و تخرجت منها والحمد لله ببكالوريوس تمريض 2007 من سكان جنوب القطاع الصامد رفح التحدي و الفداء طبعا بحب كتير عالم السيارات ميش عارف ليه بحس حالي وانا بسوق بقدر افرغ مشاعري طبعا مشاعر الكبت والحزن يلا كله ماشي حاله و كمان بحب كتير القراءة و حابب أتغير و أكون انسان ايجابي في حياتي و أفيد غيري على قد مقدر و اتعرف على الناس يمكن اتغير من جوى و بصارحة و ما بخبي على حده الحب مشروع فاشل في ها البلد هادي عندي مسلمة اه على فكرة انا هلقيت متطوع بمستشفى ابو يوسف النجار و متطوع كمان بجمعية المركز الطبي الخيري برفح بحب اللحم الابيض كتيييييييير :sdd: ما تفهموني غلط :) يلا انا في انتظار ردودكم و يا ريت يا شباب تبعدو السياسة عن المنتدى انا عندي حساسية منها عيشو الحياة بطبيعتكوا يلا السلامو عليكو .
:D

PatrioT
07-Feb-2008, 05:45
أهلا وسهلاً عزيزي حازم وأكيد بيشرفنا تواجدك معنا.. يعطيك العافية وإن شاء الله بنشوفك بنشاطات المجموعة الجاية..


تحياتي الحارة
محمد الرزي

waelsubhi
07-Feb-2008, 06:02
السلام عليكم اخوانى واخواتى فى العمل التطوعي احيكم كل فى مكانه
الاسم: وائل صبحى
العمر:35
الاقامة: قطاع غزة الحبيب محافظة خانيونس
العمل: محاسب
الهواية:المطلعة والرياضة
نبذة: اعمل فى مجال التطوع منذ خمس سنوات بشكل فردى ولكن العمل الجماعى افضل وارقى لخدمة وطننا الجميل فتقريبا من عام شكل مجموعة من الشباب الواعى جمعية خيرية بدات نشاطها بمدينة خانيونس وكنت سعيدا جدا وفرحا للغاية اننى كنت من احد هولاء الشباب انا سعيد اليوم اننى بين شباب فلسطين يعملون من اجل بلدهم المظلوم والذى كتب عليه الماسى فاتمنى من الله ان اكون واحدا من فريق نادى فلسطين الذى يعمل من اجل وطنه اخوكم/ابو علاء

PatrioT
07-Feb-2008, 10:36
أهلا وسهلا بك أخي وائل بين أخوانك في الوطن العربي وفي نادي فلسطين للتطوع.. أتمنى مشاركة فاعلة لإثراء الواقع التطوعي في فلسطين..


كل التحية
محمد الرزي

العاصف
07-Feb-2008, 10:39
بالنسبة لإلي..
الإسم: عماد
العمر: 24
انا جامعي خريج -اداره ماليه من جامعة القدس المفتوحه اعمل بالمجال الشبابي كمدرب شبابي ـ دربت عدد جيد من الشباب والصبايا في جامعات الضفه الغربيه ومن خلال دورات تدريبيه وتجمعات شبابيه ،تدريبي يكون بالمهارات الحياتيه والقياديه للشباب بالاضافه الى جانب من التحليل النفسي .
اتمنى ان تعود المياه لمجاريها بغزه و اكمل الماستر واقدر ان افيد عدد اكبر من الاصدقاء والصديقات بغزة هاشم .
الشخصيه الرائعه بنظري :: الشهيد ياسر عرفات

مهدي الحافظ
08-Feb-2008, 12:55
اعرف بنفسي للجميع .. ...والباقي عندكم ؟؟

--------------------------------------------------------------------------------

اعرف بنفسي للجميع .. ...والباقي عندكم ؟؟

--------------------------------------------------------------------------------

بسم الله الرحمن الرحيم
انا بدي اعرف بنفسي حتى افتح الكم المجال للرد والتعارف

الاسم مهدي حسين محمود الحافظ

العمر 24 سنة و 8 شهور

العنوان : فلسطين المحتلة / الخليل / نوبا / وسط البلد

المؤهل العلمي : بكالوريس ارشاد نفسي / جامعة الخليل

المهنة : عملت مساعد مدير مركز الخدمات المجتمعية في الهلال الاحمر الفلسطيني لمدة 7 شهور حاليا اعمل منشط ضمن برنامج دعم نفسي للاطفال مع مؤسسة انقاذ الطفل

متطوع في جمعية الهلال الاحمر الفلسطيني
منسق لجنة المتطوعين في بلدتي منذ العام 2004
مشرف عام على على موقع موقع بالدتي (نوبا ) على الانترنت
حاصل على دورة مساعد ظابط اسعاف ( مستجيب اول ) ومتطوع في الاسعاف والطوارئ الفلسطيني
محاضر في التوعية من مخاطر الالغام والمخالفات الحربية المنفجرة وغير المنفجره
عضو ضمن( فريق التدخل في حالة الكوارث) الفلسطيني



اعزب ؟؟؟؟


هاي قصتي
الباقي عندكم


صراحة انا تفاجئت لما لقيت مثل هيك منتدى رائع يهتم بالمتطوعين ويربطهم ويساعد على تبادل خبراتهم


اتمنا ان استفيد وافيد من خلال هذه النافذ الرائعة


مع فائق الاحترام والتقدير للقائمين ولاعضاء في هذا المنتدى الرائع

انا قمت بوضعها سابقا في قسم التعارف ومره ثانية الكم بنزلها


حبايبي شباب غزة وكل محاميها ان شاء الله بظلكم حامين الوطن

PatrioT
08-Feb-2008, 03:08
أهلا بك أخي مهدي متطوعاً فلسطينياً حراً بيننا.. ونتمنى أن نجد حلقة وصل بين متطوعي غزة والضفة الغربية خصوصاً في جمعية الهلال الأحمر الفلسطيني التي تطوعت وما زلت اتطوع فيها منذ 5 سنوات وتذكرني جولات الطوارئ وادارة الكوارث بالعديد من الذكريات الرائعة التي أفتقد مثيلاتها في هذه الأيام الحالكة..

أتمنى أن نخلق نوع من التواصل بين شطري الوطن المعذب علنا نكون متحدين في تطوعنا..

دمت بود وتقبل محبتي...
محمد الرزي

مهدي الحافظ
08-Feb-2008, 03:14
مشور اخي PatrioT
انا على استعداد
لو ان الوضع بقي مستقر لزرنا الهلال الاحمر بغزة واقما مخيم ادارة كوارث على شاطيء غزة لكن لابد ان يائتي هذا اليوم

لدي علاقات قوية مع الاخوه الهلال الاحمر في غزة
من موظفين ومتطوعين
قبل مدة ليست بعيدة افتقدنا احد قادة العمل التطوعي في غزة وهو الزميل العزيز المرحوم محمود الكردي واقمنا نحن متطوعين الخليل له بيت عزاء لانه عزيزا علينا رحمة الله


مع فائق الاحترام تقبل مروري

مرعي بشير
08-Feb-2008, 03:04
جميل طرحك زميلي محمد الرزي واكيد راح نعمل بالايام القادمة على هذا الطرح ونحاول بقدر الامكان ان نتواصل مع النصف الاخر لنا بالضفة الغربية وان كنت اعتقد بانهم الجزء الاخر لاننا نفتقد تواجد الاجزاء الاخرى من شعبنا في فلسطين الداخل وفلسطينيين الشتات
وانشاء الله راح نعمل خلال خطتنا الاستراتيجية لمجموعه متطوعون بلا حدود على هذا الطرح

مع خالص تقديري لكم

ابن الوطن المحتل
متطوعون بلاحدود
من أجل فلسطين والانسانية

hb2007
09-Feb-2008, 06:11
الله يعافيك يا أخ محمد الرزي و بيشرفني ان أكون معاكوا ضمن اي نشاط بتقومو فيه و الك و لكل المتطوعين تحياتي

bentalaqsaam
09-Feb-2008, 03:43
السلام عليكمورجمة الله وبركاته
حقيقي انها فكرة جميلة نتعرف على بعض اكتر ويكون بينا تعاون وما نوقف عند حواجز ولا حدود
عن نفسي
أنا اميره من فلسطين دير البلح
بدرس بجامعة الاقصى أحياء و اساليب تدريسها اخرفصل
متطوعه بمنتدى شارك وبعدة منتديات وجمعيات
بحب خدمة وطني
وبحي بشارك بجميع الفعاليات التي ادعى لها او اعلم بها ولو قبل المعاد بلحظاتفلا امل من العلم
انا عمري 21 سنه
بتمنى ازور كل شبر بفلسطين الغالية وما الي غيرها
ما بعرف شو اقول تاني واهلا وسهلا بالجميع
وبتمنى كون خفيفة عليكم
ويالله نبدى فعاليات قويةجداااا

waelsubhi
09-Feb-2008, 04:18
شكرا لك اختنا امير حياك الله وحيا مجهودك والكل يعرف شارك وما لها من دور جيد وممتاز بخصوص الشباب
اخوكم ابو علاء

hb2007
09-Feb-2008, 05:43
أهلا وسهلا بيكي يا أخت أميره في ملتقى التطوع العربي وبالتحديد في نادي فلسطين و إن شاء الله بنستفيد بخبرتك في التطوع بالجمعيات و يا ريت تفيديني بالنسبة للتطوع في منتدى شارك و اهلا وسهلا بيكي مرة تانية .......

PatrioT
09-Feb-2008, 07:55
شكراً أبو علاء, أميرة ..والجميع لمروركم وأتمنى أن نتواصل فعلياً في القريب العاجل لأننا بصدد توسيع قاعدة فكرة متطوعون بلا حدود ..

تقبلوا تحياتي الخالصة ودمتم ذخراً في خدمة الناس..

محمد الرزي

فوز العرب
11-Feb-2008, 08:00
الله يقويكم

watan
17-Feb-2008, 06:47
انا اختكم وطـن من غزة ...!
عمري 18 سنـة ...وحابة انضم لفريق فلسطين التطوعي ...
وأشارك بالنشاطات والفعاليات الى بتقوم بيها المؤسسات او الافراد ...

يا ريت تقبلوني معكم وبكون ممنونة الكم

تحياتي

مهدي الحافظ
17-Feb-2008, 07:57
اهلا اخت وطن ....


تشرفينا والله بروحك التطوعية


بتمنا من اخواني بغزة يفيدكي بالموضوع



يا وطن
للكل وطن يعيش فية الا نحن لنا وطن يعيش فينا

مرعي بشير
17-Feb-2008, 10:58
ابن وطني مهدي الحافظ
اكيد راح نأخد بعين الاعتبار كل طلب بيطلبوه المتطوعون لانو احنا هون من اجل خدمتهم
وبندعوا كل متطوعون ومتطوعة بحب يكون دوره التطوعي فعال ...أنو يبعت رساله بأيميله وبرقمه الشخص لكي نقوم بالاتصال به في اول نشاط تطوعي نقوم به نحن كمجموعة متطوعون بلا حدود
وللعلم اخ مهدي كثير سعيد لمن اعرفت انك من متطوعي الهلال الاحمر بالخليل وهاد اشي ممتاز لانو انا من متطوعي الهلال بالمنطقة الوسطى ومنسق مجله حصاد المتطوعين حديثا عن قطاع غزة
مع خالص تقديري لكل انسان بحب بلده وبحب شعبه
عاشت فلسطين عربية حره
مجموعة متطوعون بلاحدود
ابن الوطن المحتل
مرعي بشير

محمد الصوريفي
22-Apr-2008, 03:07
محمد علي
العمر 22 سنة
صوريف\ الخليل
ممرض في مستشفى الحسين \ بيت لحم قسم icu
احب التطوع فانا متطوع من خمس سنوات في مؤسسات شبابية في الخليل وخارجها

ليال
23-Apr-2008, 12:20
اهلا وسهلا بيك
اخ محمد
بنادي فلسطين التطوعي
وان شاءالله تكون من الاعضاء النشيطين بالنادي
ونستفيد من خبرتك بمجال العمل التطوعي
بفعاليات وانشطة النادي

مهدي الحافظ
23-Apr-2008, 02:24
محمد علي
العمر 22 سنة
صوريف\ الخليل
ممرض في مستشفى الحسين \ بيت لحم قسم icu
احب التطوع فانا متطوع من خمس سنوات في مؤسسات شبابية في الخليل وخارجها


هلا محمد الصوريفي


معك مهدي النوباني

تحياتي الك وللجميع

bentalaqsaam
24-Apr-2008, 12:33
السلام عليكم ورحمة الله وبركاته

تحياتي لاخواتي واخواتي المتطوعين وبتشرف بمعرفة الجميع لانه بيكفي انها بتجمعنا الانسانية الطيبة
جيت اليوم لاعتذر عن غيابي وبتمنى ما يتكرر مني
لكن لا احد منا يعلم ما ذا ينتظره
تحياتي مرة تانيه

محمد الصوريفي
24-Apr-2008, 01:55
هلا اختي بنت القسام ولجميع الاخوة والاخوات

محمد الصوريفي
24-Apr-2008, 02:12
شكلرا اخت ليال على رسالتك الخاصة واتمنى لك التوفيق

وانا مستعد للتعاون في اي نشاط انساني شبابي

محمد الصوريفي
24-Apr-2008, 02:24
الاخوة في ادارة ملبقى فلسطين بدي منكو تساعدوني اعرف اكثر عن طبيعة العمل في الموقع

اخوكم محمد الصوريفي

عادل الأزبط
29-Apr-2008, 04:04
مرحبا
انا عادل الأزبط
من مدينة غزة
المهنة : صحافة واعلام
متطوع في جمعية الهلال الأحمر الفلسطيني في قسم الاسعاف والطوارئ
العمر : 24 سنة
بتمنى انو نكون أصدقاء ونتناقل الخبرات ونستفيد ونكون على قدر المسؤولية

ليال
30-Apr-2008, 08:32
هلا فيك اخ عادل بالنادي والملتقى
وانشاءلله تكون من مميزي النادي بحضورك ومشاركاتك

ليال
30-Apr-2008, 08:35
اخ محمد
بخصوص نشاط النادي
فيك تراجع المواضيع الموجودة

ليال
30-Apr-2008, 08:39
اهلا بالجميع بنادي فلسطين التوعي والملتقى العربي للتطوع

المتفائل99
13-May-2008, 03:39
السلام عليكم ورحمة الله

اخوتى الكرام فى غزة فى الضفة فى كل جزء من ارضنا الحبيبة فلسطين

اننى من ليبيا وارغب فى الانضمام اليكم والمشاركة بما اقدر عليه من خلال الشبكة المعلوماتية نصرة لقضيتنا وتحقيقا للنصر ..وهذا واجب على واقل شىء...وهى من اولوياتى فى الحياة بل واسال الله ان يمن على بالشهادة على تراب فلسطين ..يقولون ان العرب افشل محام فى الدفاع عن اعدل قضية قد يكون صحيحا ولكن عندنا من الايمان والارادة ما يزلزل ان شاء الله الاعداء والنصر قريب ان نصرنا الله وتمسكنا بديننا واخذنا بالاسباب

SAFWAN
17-May-2008, 07:17
مرحبا يا جماعة الخير

بصراحة عجبتني فكرة الموقع و خصوصا النادي الفلسطيني وحابب انظم واكون فعال

وهلا بعرف بنفسي

انا صفوان ثابت عمري 20 سنة جامعة الازهر صحافة وعلاقات عامة

متطوع بمؤسسة سعيد المسحال للثقافة والعلوم وبكون منسق العلاقات العامة بلمؤسسة

كما منشط في مجال الاطفال الي 6 سنين تقريبا الشغلة هاد ادمان بحسها كمان من هوياتي

الفن التشكيلي و الدبكة والمسرح ومن اهتماماتي واهتمامات المؤسسة اقادمة ندوات وورشات

عمل تتعلق بلقضية الفلسطينية مثل قضية القدس والاسرى وجدار الفصل العنصري وتأثيرة على

المجتمع و بطلب من المشرفين هان يا ريت يتواصلو معي لانو بدي عدد معين من المتطوعين

وفي مجالات معينة و ياريت الادارة تتواصل معي عشان نحكي اكثر في سياق هاد الموضوع




تحياتي لكم

ابو خليل
29-Jul-2008, 01:17
السلام عليكم ورحمه الله وبركاته اخوكم ابو خليل محاسب متقاعد والد شهيد ولده الوحيد احب الاعمال التطوعيه وتحياتي للاخوه المتطوعين وما بنسى فضل ملتقى التطوع العربي وشخصيتي المفضله هي كل شخص يتطوع في مجتمعه لخدمه الفقراء والمحتاجين واعتز يشخصيه المصطفى سيدنا محمد صلى الله عليه وسلم وجزاكم الله خيرا واود التواصل مع الاخوه المتطوعين اينما كانوا

زيتونة القدس
08-Sep-2008, 02:51
مرحبا يا أعضاء
كم من الجميل أن نرى شباب فلسطين يبدعون ويتألقون ويجتمعون في مكان واحد
أدهشني فعلا الموقع وكنت أتمنى لو عرفت عنه بطريقة اخرى لأني عرفت بوجوده صدفة من خلال تصفحي للمواقع وكما رأيت من الردود أغلب أو معظم الأعضاء من غزة الحبيبة وكنت أتمنى لو كان هنالك تفاعل من متطوعين بالضفة ! فنحن قلب واحد فلسطينيون سواء من غزة أو الضفة
اعذورني أطلت الحديث ،أما عني
فأنا ميساء من القدس
حاصلة على شهادات في القيادة الشابة والدراما والمسرح والديمقراطية وحقوق المواطن والإسعاف الأولي والكثير من النشاطات
متطوعة في عدة مؤسسات
ادرس الطب المخبري في جامعة القدس (أبو اديس )
عمري :18
اتمنى ان يطال نشاطات نادي فلسطين الى القدس والرام الله حتى أكون فعالة معكم .:sdd:

الهلاك الاحمر
11-Sep-2008, 05:30
اهلاوسهلا اخي لكن نحتاج لشئ دفرنت

نابلسي للابد
17-Sep-2008, 06:57
سلامات يا جماعة هاي اول مشاركة الي ارجو ان تقبلوني عضو بينكم على العموم ساقوم بالتعريف عن نفسي

اسمي احمد

العمر 21

الجامعه جامعه النجاح الوطنية فرع كلية حجاوي التقنية

التخصص هندسة شبكات حاسووووووووب (يعني اللي عندو مشاكل بالجهاز انا جاهز للمساعدة على قدر المستطاع)

المدينة نابلس جبل النار

هواياتي الرياضة بمختلف انواعها



حاصل على شهادة في الاسعاف الاولي فقط !!!!!!!!!!!:(:(:(:(:(:(


تحياتي للجميييييييييع


ومشكووورين على هالموضووووع

اشرف ابو الهيجا
04-Oct-2008, 01:19
مرحبا شباب كثير جميل طريقة تعارفكم على بعض.....وكثير سعيد بهالشي انو نلتقى بمكان ونعبر فيه عن حالنا بطريقة مختلفة.....

انا اسمي : اشرف
العمر : 27 سنة
السكن : مخيم جنين
الهوية تعلم كل ما هو جديد
دورات في الاسعاف الاولي واعمل في مجال الاطراف الصناعية والاجهزة الطبية المساعدة ( في مجال الاعاقة )

روحـ
05-Nov-2008, 07:02
مرحبا
كيفكو ياجماعة
بتمنى تقبلوني بيناتكو
معكو روح
19 سنة
فلسطينية بحمل جنسية اردنية
بدرس بالجامعة سنة تانية
بتمنى اقدر افيدكو بشي
تقبلو مروري
تحياتي

AnacondA
09-Nov-2008, 09:42
انا من غزة فلسطين

موظف

خريج كلية الحقوق. جامعة الأزهر.

متطوع دفاع مدني وإسعاف.

احمد قناديلو
24-Nov-2008, 03:26
احمد زكريا
عمري 27 سنه
سكان فلسطين نابلس
العمل سائق اسعاف
متطوع في جمعية طبيه منذ 8 سنوات
هوايتي طبعا المشاركه في العمل التطوعي في الانقاذ والاخلاء والسباحه والسياقه والكمبيوتر

سعيدصالح
25-Jan-2009, 02:46
اخر مداخلة كانت oct2008 وللحدث تم التوقف

الله أكبر الله أكبر
والله القلب يبكي قبل العين
ولكن ولكن !!!!!
الدعاء هو اقوى وافضل مانملك جميعنا
رحم الله الشهداء الابطال الصغير والكبير،،
وعافا الجرحا ،، وساعد المحتاجين
وحماكم المولى انه قدير سبحانة وتعالى

بنت الخليل
28-Jan-2009, 09:55
السلام عليكم
الإسم: بنت الخليل
العمر:38 سه التخصص: تربية ابتدائية من الجامعة المفتوحة
مكان السكن: الخليل
شخصيني المفضلة : سيدنا محمد صلى الله عليه وسلم
شعاري في الحياة: حسبنا الله وتعم الوكيل

الغرير
12-Feb-2009, 09:24
الاسم : الغرير
المهنة : موظف ومدير جمعية وطن بيت لحم
التخصص: صحفي

ابو لؤى
17-Feb-2009, 01:18
السلام عليكم
الإسم: بنت الخليل
العمر:38 سه التخصص: تربية ابتدائية من الجامعة المفتوحة
مكان السكن: الخليل
شخصيني المفضلة : سيدنا محمد صلى الله عليه وسلم
شعاري في الحياة: حسبنا الله وتعم الوكيل

ما كنت بدى اكتب مشاركه فى الموضوع بسبب انو كل المشاركين اصغر منى فى السن ولكن بعد ما شفت ناس اكبر منى اتشجعت شويه.
الاسم : ابو لؤى
العمر: 30 سنه
الحاله الاجتماعيه : متزوج وعندى ولد.
التخصص : خدمه اجتماعيه( مهنتى ليس لهاعلاقه بالتخصص)
مكان السكن : غزه
الهوايات : الانترنت .. الموسيقى ..تكوين الصداقات( الصداقات الحقيقيه مش تبعت الانترنت)

اتمنى ان اتطوع فى مجال تخصصى مع اى مؤسسه حيث اننى لم اعمل فى مجال التطوع نهائيا.

مرعي بشير
27-Feb-2009, 06:20
اهلا بالجميع ابناء وطني المحتل
سرنا بتواجدكم في نادي فلسطين التطوعي
نعتذر عن انقطاعنا عنكم واشعر خجلا لعدم رد مشرفة نادي فلسطين التطوعي على اسئلتكم
وان كان من واجبها ان ترد على كل استفساراتكم
لانعرف ماهي ظروفها اعانها الله
ولكن اعدكم بان نجيب عن كل استفسارتكم وان نعمل على احياء نادي فلسطين التطوعي من جديد
واتمنى من اداره الملتقى اخد نادينا بعين الاعتبار لانه تعطل لفترة طويلة وانا قمت بمراسلة الادارة اكثر من مرة ومراسلة الاخ خالد الحجاج ولكن لااعرف سر عدم الرد على كل رسائلي اليهم
لكن لن أيأس طالما ان فلسطين موجوده في صدارة العمل التطوعي

اخوكم
ابن الوطن المحتل
من تحت الشمس
الحالم
ابو غاندي
قائد في العمل التطوعي
وا

يحي عياش
07-Apr-2009, 01:31
مع تحياتي وتقدير

محمد عبيدات
01-Jun-2009, 04:58
الاسم :- محمد عبيدات
العمر :- 22
الاقامة :- القدس
الجامعة :- القدس
التخصص :- اعلام وتلفزة

محمد شحادة
09-Jun-2009, 04:54
بنرحب بجميع الأخوة والأخوات معنا في نادي فلسطين التطوعي
وبنتمنى إنه الجميع يثري النادي بكل جديد

عائشه عمر فلاته
24-Jun-2009, 06:40
موضوع جميل لتواصل والتقارب بين اعضاء النادي موفقين

ابو زكريا
17-Sep-2009, 07:36
الاسم :رامي
العمر:26
العنوان:غزة
الهوايات: ان افيد بلدي وارجو ان اجد من ياخذ بيدي لتحقيق هدفي

غاردينيا
14-Nov-2009, 09:30
مرحبا اسمي غاردينيا
من الاردن العمر 30
متزوجة وخريجة تربية طفل من الاردن فلسطينية الاصل
وانا حبيت كون معكم بنادي فلسطين وياريت تقبلوني
ومشكورين

إسماعيل الحازمي
19-Nov-2009, 06:14
أخوكم إسماعيل الحازمي
21سنة
طالب جامعي كلية الاداب والعلوم الانسانية بجامعة جازن
قسم اللغة الانجليزية

sjazar
30-Dec-2009, 01:45
اخوكم ابو يحي الجزري من فلسطين
من ارض غزة
استشاري ضرائب
موظف بالسلطة الفلسطينية
مهتم بالعمل التطوعي واعددت العديد
من الدراسات والابحاث التي ترفع من مستوي العمل التطوعي
وتساعد الاخوة الخريجين والخريجات
واصحاب الافكار البسيطة لاقامة مشاريعهم
من خلال هيئة فلسطينية لتمويل المشاريع الصغيرة
ومركزا لتنمية الموارد البشرية
والعديد من الدورات وورشات العمل التي شاركت بها
املا ان اكون اوضحت جزءا يسيرا ولكم ان تقيموا الاخر من الاطلاع علي مشاركاتي
بعالم التطوع العربي
اخوكم ابو يحي الجزري فلسطين

دموع القدر
20-Jan-2010, 09:47
إسمي شادي يوسف بركة
خريج جامعة فلسطين كلية تكنلوجيا المعلومات قسم تصميم وبرمجة مواقع الانترنت
مقيم في مدينة دير البلح منطقة البروك
عمري 22 سنة
متطوع في جمعية الرضوان الخيرة ومسؤل العلاقات العامة بالجمعية
هوايتي المطالعة والمشي عالبحر خصوصا بالليل وكتابة الشعر وقراءته
ما بحب الطبايخ واللحوم بحب المقالي والنواشف والمعلبات
مدمن شاي بنسبة 3000 ونص وخمسة %
وياريت اكون خفيف الظل عليكم

تحياتي

شادي

sjazar
21-Jan-2010, 12:00
نشكركم وندعو الله ان تكونوا من مدمنين قراءة القرآن
وبارك الله قيكم

ابوغرام
07-Feb-2010, 12:14
مشكووووووووووورين

ساعدوني ابن فلسطين غزة
25-Mar-2010, 05:04
مرحبا للجميع انا شاب من فلسطين غزة عمري 26 وأريد اتزوج وأكمل ما يلزم للعرس وأريد مساعدتكم ارجوكم تساعدوني
ويوجد عقد جواز
وهذا رقم حسابي
بنك فلسطين المحدود
الفرع الرئيسي
ارجو منكم المساعده ارجووووووووووووكو وهذا بريدي

ومشكور على هذا الموقع ولبرنامج
تحياتي للجميع

سعاد زهران
29-Mar-2010, 02:43
انا حابه اعرف عن حالي
الاسم : سعاد زهران
المدينة : طولكرم
الجامعة: القدس المفتوحة
التخصص : علوم مالية ومصرفية اخر فصل
انا متطوعة في جمعية دائرة الشباب المتطوعين في طولكرم تابعه لجمعية اصدقاء المريض الخيرية
انشات في تاريخ 19-12-2009 هدفها اجتماعي قامت الان بتأهيل التطوعين واعطائهم دورة الدفاع المدني
واتمنى مشاركتكم معنا بتقديم الافكار التي يمكن تطبيقها ونأمل منكم زيارتنا والانضمام لنا ومساعدتنا في الافكار والاعمال التي يمكن تقديمها لابناء الشعب الفلسطيني.
وللتعرف اكثر على اعمالنا زوروا موقع جروبنا على الفيس بوك بعنوان
<<<< دائرة الشباب المتطوعين في طولكرم >>>>>

احمد ابو خليل
12-Apr-2010, 03:45
تحياتي للجميه وانا عمري 55سنه وهوايتي قراءه القران الكريم والتعرف على الناس الطيبين وتبادل وجهات النظر خاصه بالاعمال التطوعيه لخدمه الفقراء من ابناء شعبنا والحمد لله لرب العالمين احب ان اعمل الخير قدر الامكانات المحدوده والشخصيات المفضله المرحوم ابو عمار والمرحوم الشيخ احمد ياسين والمرحوم الشيخ زايد وجزاكم الله الخير

المركز الوطني للتنمية
01-May-2010, 04:42
يعطيكو العافية
المعرفة جيدة

روعة2010
08-May-2010, 01:52
السلام عليكم ورحمة الله و بركاته ،،،
أودالانضمام الى نادي التطوع الفلسطيني
الاسم : روعة فلسطين
العمر : 31 سنة
الخبرة المهنية : 10 سنوات في مجال الشراكات المجتمعية ، و قطاع العمل في مؤسسات المجتمع المدني الغير حكومية
أهم المهارات : اجادة الترجمة من اللغة الانجليزية الى العربية و العكس ، كتابة مقترحات المشاريع التنموية ، التخطيط الاستراتيجي ، تصميم و ادارة قواعد البيانات باستخدام برنامج الاكسس ، ادارة المواقع الالكترونية

رحال الشرق
01-Jun-2010, 05:20
بدى اعرف عن حالي
الاسم : وسام الاغا
المدينة : غزة
التخصص : علوم سياسية
انا متطوعة في جمعية ملتقى شباب االقرارة
مند 2008 هدفها اجتماعي وتقافى وتنموعى
واتمنى مشاركتكم معنا بتقديم الافكار التي يمكن تطبيقها ونأمل منكم زيارتنا والانضمام لنا ومساعدتنا في الافكار والاعمال التي يمكن تقديمها لابناء الشعب الفلسطيني.
احب العمل التطوعى ومتطوع فى عدة جمعيات منها ملتقى خريجين خان يونس ومندا شارك الشبابى

ولاء ابومنشار
08-Jun-2010, 07:48
الاسم .... ولاء ابومنشار
العمر 19 سنه
التخصص : علم نفس
مستوى سنه تالته جامعه الخليل
المقوله المفضله : الحق وبادر قبل ان تغادر

الهوايات :قراءه والمطالعه في كتب علم النفس وتحليل الشخصيات ....... مساعده الاخريين وخصوصا الاطفال

متطوعه في منتدى شارك الشبابي في مدينه الخليل وفي اسعاد الطفوله وفي الاغاثه الطبيه وفي جميعه هانز زايدل (الديموقراطيه والشباب)

من سكان مدينه الخليل

أ. عبدالله حرب
18-Jul-2010, 10:23
السلام عليكم ورحمة الله وبركاته

كيفكم جميعا

انا سعيد جدا بالتعارف عليكم وبجد الطريقة هاي كتير حلوة وبارك الله فيكم جميعا وأهلا وسهلا فيكم جميعا

بحب أعرف شوية عن نفسي

انا عبدالله
من غزة - دير البلح
العمر 22 سنة
خريج جامعة الأقصى
تخصص إجتماعيات
هواياتي كتير بذكر منها الكمبيوتر واللعب والقرأة والبحث .....
مش شرط الإنسان يشتغل في مجال تخصصوا
وأنا بحب التطوع والعمل الخيري

وبتمنى أكون معكم في العمل التطوعي


ووفقنا الله وإياكم

تحيتي للجميع

sakranma
01-Aug-2010, 10:21
السلام عليكم ورحمة الله وبركاته
أن محمدعلي احمد عياصرة من الأردن عمري 64 سنه اعمل رئيس جمعية درب الصفصاف الخيرية في بلدة ساكب من محافظة جرش والتي تعنى بالفقراء , الأيتام , ذوي الإحتياجات الخاصة والطلبة الفقراء. اتمنى عليكم من يعرف من اهل الخير ان يخبره عن هذه الجمعية و الكتابة على sakranma@hotmail.com ولكم جزيل الشكر

adel_ghazy
06-Sep-2010, 05:21
مرحبا
أنا اخوكم عادل لسه جديد معكم
من سكان غزة
العمر 27 سنة
خريج جامعة الأزهر
هوايتي/ الرياضة بحب نادي الزمالك وبرشلونة
أعمل محاسب

منال عبد المنعم سالم
04-Dec-2010, 07:19
ربي يسعدكم يا شباب

والله الموضوع جميل وطريقه تعارفكم روعه

ربي يبارك فيكم

ويحقق كل امانيكم ويسعدكم ونتقابل جميعا عندكم في فلسطين

ويرزقنا صلاه في الاقصي

عاجلا غير اجل يارب العالمين

عام هجري جديد سعيد عليكم وعلي الجميع

سحر الشتاء
10-Feb-2011, 01:23
مراحب شباب

nasri jarayseh
29-Jan-2013, 10:09
نصري جرايسة
بيت لحم
24 سنة
دبلوم تكونولوجيا معلومات جامعة البلولتيكنيك

اشرف ابو الهيجا
22-Sep-2014, 04:14
السلام عليكم
انا اشرف ابو الهيجا
فلسطين/ مدينة جنين
اعمل في جمعية الجليل للرعاية والتاهيل المجتمعي الخيرية في جنين
من يرغب التطوع في الجمعية تعبئة النموذج التالتي ونحن سنتصل
http://al-jaleel.org/ar/modules.php?name=order
او الاتصال على الرقم 0599354139