المساعد الشخصي الرقمي

مشاهدة النسخة كاملة : أكلات مكاوية



ابو جمانه
24-Jan-2009, 01:56
مرحبمبكم يا حبايبي اليوم هرجتنا غير


تحكي لنا اصاله وتاريخ المكاويه


عن عادات وآكلات وتقاليد مر عليها سنين


والى الان الحمد لله جيل ورا جيل متمسك فيها


وموضوعنا اليوم عن




الأكلات المكاوية




· الأكلات المكاوية لها طعم ونكهة ونشأة
واللي يحلي الأكلات ويطعمها زيادة إنو لكل أكلة مناسبة تتعلق بيها
وما ناكلها إلا في المناسبة حقتها


نحنا كدة المكاكوه وبالزات العتقية القدم لنا تصانيف وتباتيك


· في الاكل والشرب مايعلم بيها الا الله عز وجل
ماشية معانا من أيام ما فنو الأوادم
والعهدة على الراوي
أقروا الموضوع ومخمخو وبعدين قولوا رأيكم عن هادي العادات



طيب يا سيدي انت وهو والكلام للجميع


الأكلات المكية ترتبط بعادات ومناسبات يعني كل اكلة ولها مناسبة زي أيش ؟؟؟


هيا خدو عندكم ....




الكابلي أو الزربيان و السمبوسك و الطورمبة


· هادي يسووها وقت المناسبات والأفراح للرجال
أما الحريم يجيبولهم الميز طبعا زمان أول مافي لا ميز ولا يحزنون


· ياكلو من نفس أكل الرجال بس يسوو قليل بريك


· او بف بالجبنة والا باللحمة شغل بيتي يعني واللي تعرف تسوي


· كيك بالبرتكان او الموز تسوي صينية علشان يحلو بيها
بعدين جانا الميز والشغلات الجديدة هادي



المعدوس ( الرز عدس ) هادا يسووه المكاكوة يوم الغيم والمطر


· ومعاه روبيان مكشن بالقوطة والبصل والفلفل الأخضر وزلطة حمر
وكيف لو كنا ساكنين في بلاد الخواجات على كدة
· كل يوم معدوس ألين البطن تسير زي الطبلة


الملوخية الخضرا هادي تتعمل في اليوم الأول من السنة الهجرية الجديدة


· على الغدا من باب التفائل إنو ربنا يجعلها سنة خضرا وخير للجميع
الحليب أبو الهيل هادا برضو كمانة ينشرب في صبحية أول يوم في السنة الهجرية الجديدة
( بس هادا الكلام مو صحيح )


السليق هادا يسووه في المناسبات لمن يكون الجو باااااااااااااااااارد


الدبيازة معروفة على ما أعتقد للجميع يسووها للفطور أول يوم العيد


المعمول و الغريبة يسووها في أيام الحج


السمك مايتاكل إلا في الشعبنة علشان في رمضان
الناس ماتاكل السمك بس هيا كدة عادة
شعبنة يعني اضرب سمك وصيادية


عشرة عاشورا ( 10 محرم ) رز زربيان الحلو
و زلطة لبن أبو الفلفل


السحلب يسووه في الأيام الباردة علشان يلم العضم ويدفي الجتة بالزات لو فيلو شوية جنزبيل


القهوة الحلوة اللي يحطولها لوز بجلي مهروش طبعا هادي


· وقت البزورة ما ينجحو والا يسقطو يسوولهم هيا قيد ماتفرق
لو البيت فيلو خمسة بزورة ناجحين وتلاتة صاقطين رايحين يلغو القهوة الملوزة :D


وغير أكلات رمضان الخشاف و الماسية و مكارنة باللبن إزا تعرفوها و القطايف


· هادي ياكلوها من السنة للسنة


المجلب ( مجموعة أعشاب مخلوطة عن العطارين ) زماااااان


· ويمكن دحين مافي حرمة تنفس وتولد إلا يصنجوها مغراف مجلب علشان


· يكرت وصخ البطن والولادة وينظفها :icon5:


الزلابية و اللقيمات ( اللنقطة ) أول ما ينقال اسمها نتزكر العيد والفطور حق العيد


السلالي و المقلقل و اللحم نفتكر على طول عيد الحج يندبح الطلي


· ومايبقى شي منو تبارك الرحمن
كل شي يتاكل فيه حتى الرجول يسوو بيها مقادم والمفاصل نلعب بيها كبوش


· والفروه يفرشوه على عتبة البيت زي الدعاسات دحين


· والديل نشوح البزورة بيه زي البواكير
ههههههههههههه


زي ماشفتو الأكلات اللي قلنا عليها لها مناسبة أو وقت معينه تتاكل فيها
مع انو يمدينا ناكلها طووووووووووول السنة مو مشكلة ويمكن كتير ناس هجروا
وفلتو تباتيك زمااان الا مارحم الله بس هيا زي ماتقولوا شغلة تعود


وعلى قولة المسل الله لايقطع العادة إلا بسلااامة :D


------------------------


منقوووووووووووووووول

محمد الكنالي
24-Jan-2009, 04:44
موضوع مررررة حركات

وعادات مررررة حلوة

ومكة الله يحفظها ويرعاها

مافي شيء يتغير ولا شيء يتبدل

قد ما تسوي الدنيا دي من هوايل وعجايب

نحنا مكاوكة وماراح يتغير فينا شيء وبالزات طبعنا ولهجتنا الحلوة

شكرن لابو جمانة على النقل دا الجميل

وشكرن لكاتب الموضوع على التزكير

عائشه عمر فلاته
25-Jan-2009, 12:40
موضوع رائع ابو جمانه عاد كله ولا عادت اهل مكه الشي الوحيد الا مايتنسى

مزيد من التقدم

نداء
25-Jan-2009, 05:15
اشكرك على هالموضوع الجميل وحلو انه لسه في احد يفكرنا بعاداتنا القديمة ..انا لحد دحين محافظة على شرب القهوة الحلوة(الملوزة) بداية كل سنة جديدة اما باقي الاكلات بمناسبة او غير مناسبة ممكن اعملها

ام جمانه
25-Jan-2009, 11:19
الله عليك يا ابو جمانه
كإنك رجعتني سنين لورا .;). والله كانت ايام حلووووووووووه بذكرياتها
وإلى الآن نحن مازلنا نعمل بعض الأكلات هذه بس على قولة نداء صارت الأكلات بمناسبة او غير مناسبة بنسويها :D

وجزاك الله خير على النقل الحلو

alsabae
25-Jan-2009, 03:31
شكرا عزيزي
شهيتنا في الاكل :D

ابو جمانه
28-Jan-2009, 11:04
محمد الكنالي ــ shooosho27 ــ نداء ــ ام جمانه ــ alsabae


شكراً لردودكم الحلوة ، وأكيد طبعاً إنه مكة لها عاداتها الخاصة في كل شئ وليس في الأكل فقط ، ونحن متمسكين بهذه العادات ونفتخر بها .
بارك الله فيكم جميعاً على تواصلكم الجميل ،،

.::jooMee::.
28-Jan-2009, 03:38
يسلااام ، و أنا بقرى كدا في الكلام حسيت نفسي من جد مكاوية..لأنو الين دحين و نحنا على نفس الشي ههههههههه

بس ما أدري ما زكرت من ضمن اللستة أكلة نحنا نسميها عندنا في البيت((مُعَمعَم)) فأنا اتلخبطت كدا و قلت في نفسي لا يكون المعمعم ماهو اكل مكاوي..وييييييي!!
O_o
o_O
يؤ يؤ يؤ يؤ!!

و شكرا لأنو الموضوع مررررررة عجبني..مية مية!!
^_^

makkah boy
29-Jan-2009, 10:27
الله يعطيك العافيه على هذا الموضوع

بس ياليت تسويلنا عزيمه وتعزمنا على هذي الماكولات المكاويه

ابو جمانه ترى انا مره جيعان ههههههههههههههههههههههههههه

هجون الجنوب
01-Feb-2009, 03:21
يعطيك العافيه جعناااااااااا

ابو جمانه
03-Feb-2009, 11:23
.::jooMee::.
والله ما سمعت بهذه الاكله ( المعمعم ) ولا أكلتها يمكن أعرفها بس لها اسم ثاني
اذا تذكري لنا المكونات يمكن اعرفها <<<<<< أخصائي أكلات

makkah boy
ياما عزمتك .. بس انت ولا مرة عزمتني :icon9:
حتى آخر مره رحنا محل السيريه وماشاء الله اكلت 4 أنفار لوحدك :D

هجون الجنوب
الله يعافيك .. هذه من نعم الله علينا ان نجوع ونأكل ونشرب
ويجب علينا شكر النعمة .. سعدت بمشاركتك

منال عبد المنعم سالم
23-Mar-2009, 03:06
هو ممكن يا ابو جمانه نشارك ونخليها اكلات عربيه


اصيله !!!!

ضي فهد
23-Mar-2009, 04:15
شكرا على الموضوع اللي خلاني جيعانه... :)

تذكرت الاكل الحلو وانا بعيده


تسلم ابو جمانه على الموضوع الخفيف..

ابو جمانه
23-Mar-2009, 05:36
هلا أختي منال ..

أكيد ممكن نخليها كوكتيل أكلات ( مطعم مشكل :icon7: )

وكل شخص يحط أكلته المفضله ..

بس لازم تسوي عزومه عشان نذوق الأكل :icon150:

ابو جمانه
23-Mar-2009, 05:52
هلا أختي ضي ..

بس لا تنسي بعد ما تأكلي تقولي : ( الحمد لله الذي أطعمني هذا ورزقنيه من غير حول مني ولا قوة ) .

فقد قال رسول الله صلى الله عليه وسلم : ( من أكل طعاما فقال الحمد لله الذي أطعمني هذا ورزقنيه من غير حول مني ولا قوة غفر له ما تقدم من ذنبه ) حسنه الترمذي ..

شكراً لمشاركتك وأهم شئ لما تأكلي أفتكرينا بشوية منه .. وبالهناء والعافية ..

منال عبد المنعم سالم
24-Mar-2009, 03:51
اهلا وسهلا بيكم مرحبا وانت عند قولك يا ابو جومانه

العزومه عليا وتكون اكله مصريه تمام

اولها بس استعدوا محشي ورق عنب

وبرام حمام بالفريك

وتانيها بط بالمرته (بصل متبل بالملح والفلفل) ورز بالخلطه (مكسرات وزبيب)

وكفايه النهارده كده احسن تعبت من وقفه المطبخ

سبحانك اللهم وبحمدك ، أشهد أن لا إله إلا أنت أستغفرك وأتوب إليك

منال عبد المنعم سالم
25-Mar-2009, 12:46
بسم الله اوله واخره

واضح ان اكل امبارح معجبكوش ماشي نغير

النهارده بقي فطير مشلتت وقشده فلاحي

وعسل ابيض ومش

بس خدوا بالكم الاكل لسه طالع من الفرن

اللهم صل على محمد وعلى آله وصحبه أجمعين

ابو جمانه
27-Mar-2009, 06:07
تسلمي يدك اختي منال
الله يرزقك من واسع فضله وإحسانه

منال عبد المنعم سالم
28-Mar-2009, 03:40
جزاك الله كل الخير يا ابو جمانه واسعدك الله واسرتك

وسائر المسلمين

والله يا ابو جمانه انا بافكر اني اخد

محل في المنتدي اللي حنبكم

اهو يكون فيه منافسه بين رواد المنتدي ويمكن ربنا

يرزق وتكتر الطلبات وماتخاف الارزاق بيد الله

فلو وافقت ابدء العمل انشاء الله

وطبعا معزوم مع الاسره وكل اعضاء المنتدي علي الافتتاح

ربنا آتنا في الدنيا حسنه وفي الآخره حسنه وقنا عذب النار

اليتيمه
28-Mar-2009, 04:53
الله يعطيك العافيه على هذا الموضوع

منال عبد المنعم سالم
30-Mar-2009, 10:12
علي فكره فيه بعض العادات تتشابه بين مكه ومصر

يعني احنا اول السنه الهجريه نعمل ارز وحليب ونشرب حليب

ونعمل حاجه اسمها كسبه وده نبات اخضر زي الجرجير

عشان السنه تبقي كسبتنه وطيبه زي الحليب

وفي عاشوراء نعمل حاجه اسمها عاشورا

ودي من الحليب والقمح والسكر والنشا وتزين بالمكسرات

ولازم توزع علي الجيران والاقارب

ولكن في ربيع اول عشان مولد الرسول صلي الله عليه وسلم

تباع انواع من الحلوي اسمها حلوي المولد

حمصيه وسمسميه وجوزيه وملبن واشياء كثير

وتصنع للصغار حلوي مخصوص اونها احمر علي شكل عرائس وسفن واشكال كثيره

ويجب علي رب الاسره ان ياتي بالحلوي لبيته ولاخواته ولمن لا يستطيع الشراء

هي مناسبه للتزاور وصله الرحم واذا كان بين الاخوات قطيعه

وذهب احدهم للاخر بالحلوي فلا يرده ويذهب الخلاف

واذا رده تؤخذ عليه من الجميع

وكفايه كده النهارده لاني جوعت

الحمد لله الذي اطعمنيه من غير حول مني ولا قوه

اليتيمه
30-Mar-2009, 10:18
الله يعطيك العافيه على هذا الموضوع

يا ابو جمانه

بيــ قلب ــاض
04-Apr-2009, 06:20
في أكلات لين ذحين مانسويها إلا في المناسبات


الله يعطيكم العافية ..

ابو جمانه
04-Apr-2009, 12:48
الله يعافيكي يا اليتيمة ، وشكراً على ردك الطيب ..

منال عبد المنعم سالم
18-Apr-2009, 06:42
مليون مبرووووووك لك با حبيبتي ام جمانه

علي الوسام الذي اثلج صدورنا وادخ الفرحه قلوبنا يارب

اتم فرحنا بتمام شفاؤك واسترداد عافيتك وعودتك لنا بالف خير وسلام

اشتقنا لك

الناصر
18-Apr-2009, 06:28
ابو جمانه هذا الوجبه ملينا منها ( الكابلي أو الزربيان و السمبوسك و الطورمبة ) ..

الله يجزاك كل خير هذا الكلام عادات ما راح نتركها ...تحياتي

ضيوفة
22-May-2009, 08:37
حلوة الاكلات تسلم الانامل

ابو جمانه
23-May-2009, 11:21
بيــ قلب ــاض


أكيد الأكلات المكاوية لا يمكن إننا نستغنى عنها :TR (161):
شكراً لمشاركتك معنا



منال عبدالمنعم سالم


شكراً لمشاعرك الطيبة
ولسلامة ام جمانه لازم تسوولها أكله حلوة من يدكم :icon2:


الناصر


هههههههههه
إن شاء الله ما نمل منها
لأنها تعبر عن اهل مكة وذوقهم في الأكل :.))


ضيوفة


الله يسلمك وشكراً لمشاركتك معنا أكلاتنا الحلوة :TR (146):

منال عبد المنعم سالم
24-May-2009, 01:40
كيفيك بنتي الحبيبه ام جمانه وحشتيني وكيف الاولاد ان شاء الله

يكونو بخير

اما عن طلبك يا ابو جمانه فغالي والطلب رخيص

وعلي عيني اسوي احلي اكله لاغلي بنوته

اول ما اوصل اسويها والا تبقي اكله في الهوا

بس المهم حبيبتي تكون سالمه دائما

سلالالالالالالالالالالالالالالالالالالالامي ليكم جميعا ولاهل مكه خاصه