المساعد الشخصي الرقمي

مشاهدة النسخة كاملة : زيارة الى مركز الاورام بمستشفى الملك عبدالعزيز بجدة



بــــراءهـ
07-Sep-2008, 10:25
بسم الله الرحمن الرحيم


السلام عليكم ورحمة الله وبركاته . .


مسائكم / صباحكم كل خير ان شاء الله تعالى

في البداية أحب أشكر جميع القائمين على هذا الملتقى وأسأل الله لجميع ان يبارك لهم ويجزيهم

كل خير .. أنا وعدد من صحباتي نرغب في القيام بزيارة لمركز الاورام بمدينة جدة في احد ايام العيد

ان شاء الله تعالى . .


حابة استشيركم وأسألكم اذا فيه نصايح تقدموها لنا أو أفكار واذا من الممكن اننا نتشارك جميعنا

ولنا الأجر إن شاء الله تعالى. . . ومافي شي أجمل من إدخال البسمة والفرح في قلوب من لم يشأ

لهم الخروج من هناك


طبعا القروب حقنا سميناه ( حياتي كلها لله ) وفعلا أنا حابة مشاركتكم فهذا شرف لنا وإنجاز يضاف


لقائمة إنجازتكم المباركة إن شاء الله والأجر للجميع



دمتم في كل خير يارب

عبوووره
08-Sep-2008, 06:18
فكره مررره حلوه .. انا قد رحت لنفس المكان انا وصاحباتي بس قسم الأطفال كانت رحلة ممتعة ..

بس ياليت ماتكون أول ايام العيد عشان ماراح أكون في جده ..

سليل
08-Sep-2008, 08:09
( حياتي كلها لله )


قروب ومسمى جداً رائع براءه ...


الخطوات للبدء جدا بسيطه


اولا/وهي الخطوه الأولى انك تتواصلين مع مركز الاورام ..من خلال اتصال وتحددين

موعد للقاء مع حد من الاداره او الاخصائين الاجتماعيين

ثانيا/تشرحي لهم فكرتكم والهدف من الزياره والوقت اللي رغبانين فيه ..او الوقت المسموح فيه عندهم (المركز).


ثالثا/حاولي تتعرفين على ايش المطلوب منكم وايش انتوا مرتبين افكار لهاي اليوم ..مثال /قصص رسم /مسرح العرائس ..وجبه..الخ ..


أتمنى لكم /لكن التوفيق وفي انتظار اخباركم ..وماتنسيين تطرحين الموضوع بنادي جده للتفاعل ومين حابب يكون معك ...

m!ss..hano
08-Sep-2008, 10:42
الفــكـــرهـ مررررررهـ رآآآئعة واســم القروب أكــثــر روعــة...

وحــابه أكون معاكـم في القروب بمشيئة الله ... واذا سمحت ظروفـي..

اول شي حددتو الزيارة لأي فئة عمرية؟؟ الاطفال ام الكبار؟؟؟

من وجهة نظري افضل تكون للأطفال....

وكمان لو ناخذ فكرة لحالة الاطفال؟؟

والقروب لو يقسم لمجموعتين... مثلاً...

ونجيب ألعـاب... نوزعها.. وحلويات للأطفال...

ومانحسسهم اننا احنا نعمل زيارة .. لا لو تكون الفكرة كــ.. حفل نعمله للأطفال...

ونملأ غرف الاطفال .. بالألوان .. كلها حيوية ..

هذه الافكار جاتني لمجرد اني قرأت الموضوع .. بجد حمسنــي...

ولو بس فكرت كمان حنلاقي افكااار اكثر .. وارووووع...

الله يجعله بميزان حسناتكم....

كلمينا .. عن فكرتكم اكثر.. وهل المشاركة معاكم مسموحة....
وفي جهة مسوؤلة حتدعم ... الزيارة؟؟؟؟



وانــا معـــاآآآآآآآآآآآآآآآآآكـــم ..
باي شي أقدمه حتى لو بفكرة....

بــــراءهـ
08-Sep-2008, 04:39
السلام عليكم ورحمة الله وبركاته


واللهي ما تعرفوا قد ايه فرحت بردودكم كلكم وهذا إن دل على شي فهو يدل على طيبة قلوبكم

وحبكم للخير أسأل الله انه يبارك لكم ويمدكم العمر المديد بالصحة والعافية . .



عبورة .. سليل .. مس هنو مروركم اتشرف به



أولا الفكرة جاتنا بحكم اني تطوعت وتدربت فترة في المركز هناك وعندي خلفية لا بأس بها في

هذا الموضوع . . طبعا قروب حياتي كلها لله فيه مجموعة من المتطوعين والمتطوعات ولكل من هو

حابب المساهمة في اي من المشاريع الخيرية عملنا كذا مشروع كان للايتام ودار الحضانة

وجمعية الفيصلية بجدة .. كان مشروع حفل للخريجات والمتفوقين .. ومشروع الصيف كان في الشهر الماضي

فحبينا انه يكون لنا بصمة خير ونكون احد اصدقاء مرضى السرطان وندعهم ماديا ومعنويا


القروب ولله الحمد يجيه الدعم من اهل الخير وما استطعنا جمعه من المتبرعين هذا بالنسبة ( لقروبات حياتي كلها لله )



*,*,*,*,*,*,*,*,*,*,*,


مشروعنا القادم بإذن الله كما اخبرتكم سيكون في مركز الاورام بدأنا في التنسيق وعمل خطة مرتبة

للبرنامج والفقرات الي حابين اننا نقدمها . . التركيز حيكون اكثر شي للاطفال وحنمر مرور على

الكبار ونعطيهم العيدية حقتهم بس الفقرات كلها حتكون بصالة الالعاب الي في قسم الأطفال


من الممكن ان يكون هناك توثيق اعلامي للزيارة ان شاء الله لكن لم يأتينا الرد الى الآن

فكرنا كمان انو نجيب مهرجين وتكون هذي الفقرة ايضا للاطفال ونعمل سلات للحلويات حقة العيد


وهدايا على حسب اعمار الاطفال اولاد وبنات . . كمان نبغى نعمل عرض بالبروجكتر نقدم فيه قصص

او افلام كرتون وما الى ذلك كمان نبغى نعمل تكبيرات للعيد يا نقولها احنا مع بعض او نجيب شريط

ونشغله عشان نحسسهم بفرحة العيد وانو كلنا فرحانين معاهم . .

الهدايا فكرنا انها تشتمل على :

اساور مرايات عطور للبنات وشناط والاولاد العاب وسيارت دفاتر تلاوين وستكرز والشي الي يناسبهم



الشي الأهم هنا إنه معانا متطوعتين تخصصهم في الفيزياء الطبية والكيمياء الحيوية راح يلقوا كلمة

توعوية او ارشادية لاسر المرضى ويوزعوا برشورات عليهم



وكثير من الافكار ان شاء الله. . .



إحنا في حاجة لدعمكم من والى المعنوي والمادي وافاكركم لا غنى لي عنها وصدقوني ربي


بيساعدنا ويسهلها لنا ان شاء الله . . . بإخلاص النية لله تعالى وصدقها سنرتقي وننجز الكثير



دمتم في حفظ وسلام من الله تعالى




أختكم بــــــراءهـ

m!ss..hano
08-Sep-2008, 10:45
بـــراءهـ ....


أشكــــرك .. على هذه الفكرة وعلى تقديمك لنا وسماحك لنا بمشاركتم الأجـــر...

بصرآآآآحــة انا مرررررررررررهـ اتحمست للفكرة ...

يلا بس قوليلي اش أسوي .. بأشارك معاكم...

انا اقدر اشتري الهدايا والالعاب .. من عندي مساهمة مني....

...


مرررررررررررررررره شكرا وربي يقدرنا ويسعدنا على الانجاااااز ....

الله يعطيك ألف أأأأأألف عاااااافية....

بــــراءهـ
08-Sep-2008, 10:52
هلا وغلا فيك ياقمر


الشكر لله تعالى الي دلني على ناس واخوة محبين للخير مثلكم


ما راح افرض عليكي اي شي تعمليه . . انت شوفي ايش ممكن تقدمي وتساهمي فيه

وانا تحت امرك ان شاء الله . .


لو تبغي ايميلي ارسلك هوه برسالة خاصة عشان نتواصل مافي مشكلة


او اذا تبغي الموقع الي يكتبوا فيه العضوات في القروب اديكي هوه مو مشكلة



الله يعطيك الصحة والعافية يارب




دمتي في كل خير

m!ss..hano
08-Sep-2008, 11:06
أكـــيــد ياعسل...

انا انتظر منك رساله خاصة ..

ابغى ايميلك.... والموقع اللي يكتبو فيه....


ربي يفتح عليك

بــــراءهـ
08-Sep-2008, 11:13
وعليك ان شاء الله


أبشري دحين أرسلك هوه :)

فيصل الحسين
09-Sep-2008, 05:06
السلام عليكم ،،

ما شاء الله يبراءة فكرة جميلة والله يوفقك انتي والقروب اللي معاك .

بالنسبة للأفكار ، ممكن انك انتي او احد العضوات اللي لهم خبرة بالتصوير الفوتوغرافي ، تصورون اصدقائنا المرضى ويتم طبع الصور وتقديمها للمركز والمرضى هذي فكرتي لو كنت معاكم ،،

بالنسبة لتوعية ذوي المرضى شيء جميل والله يوفقكم جميعا ً

شكرا لك يابراءة ،

عبوووره
09-Sep-2008, 08:02
براءه

يعطيك ألف عافيه ..

بس حابه نحدد ونجهز كل شي من ذحين يعني اليوم اللي بتكون في الحفله ؟؟ وعدد الأطفال ؟؟

انا افتكر لما رحت لهم قالوا بلاشي تجيبوا معاكم حلويات لأنو لهم نظام غذائي معين وكثير منهم ما يأكل سكر ..

وياليت ينقل الموضوع لـ قاعة نادي جده لان البنات أكيد راح يتحمسوا ويتم الموضوع بأسرع وقت ..

بــــراءهـ
09-Sep-2008, 02:38
أبشررري عبووورة أنا قدمت الخطاب لمديرة المركز :/ حسنة الغامدي وانتظر الرد

وبإذن الله حروح عند الإخصائية الإجتماعية وأخصائية التغذية واشوف ايش هوه الممكن والممنوع من


الأكلات الي ممكن نقدمها. . ربي يوفقك دنيا وآخرهـ





إلى جميع إصدقاء مرضى السرطان نحن في حاجة إلى دعمكم فلا تحرمونا وتحرموا أنفسكم الأجر



دمـــــــــــــتم في حفظ وسلام من الله

غموض البحر
09-Sep-2008, 11:09
مساء الخير ..


الله يجزاكم خير بادره حلوه منكم :icon150: .. كنت اتمنى اكون في جده عشان اشارك معهم

بس للاسف انا في الرياض :(


الله يقويكم ويوفقكم .. :)



غمووض..:icon10:

بــــراءهـ
09-Sep-2008, 11:52
أهلا وسهلا فيكٍ غاليتي غموض :)

من قالك ما تقدري تشاركي معانا . . بيدك وبيد الجميع أغلى وأثمن شي


وهي دعوة صادقة من القلب وفي هذي الأيام المباركة أن الله تعالى يوفقنا لعمل الخير متى وأين

ما كان . .


أشكر لك مرورك أسعــدني جداَ



دمــــــــتِ

fonah
10-Sep-2008, 11:14
براءة أهلا وسهلا فيك بنادي أصدقاء مرضى السرطان وأتمنى إنهم يقبلوا يستقبلوك إحنا فكرة نسوي حفلة هناك مرة بس ماتوفقنا وقالوا ماعندهم مكان وكذا أتوقع ممكن زيارة وبما إنهم يعرفوك أكيد راح يثقوا فيك :)
بس إذا بنشارك معاك راح يكون تحت مسمى قروبك وإلا راح يكون لنا إسمنا الخاص كنادي لأصدقاء مرضى السرطان

أنا مستعدة للمشاركة بس بإسمنا
حياك معانا الله يوفقك من كل قلبي
إنتي راح تكوني أول وحدة تسوي زيارة بجدة لأن الحفلات السابقة كانت كلها بالرياض

بــــراءهـ
12-Sep-2008, 12:19
حبيبتي فونا ربي يسعدك شرف لي مروركـ

وأنا كمان لي الفخر إنك ممرضة . . .

بالنسبة للمسمى راح يكون على حسب الأعضاء والمساهمة بمعنى


عدد الأعضاء من كل قروب وحجم المساهمة من كل قروب فإذا كانت بالمناصفة بين كلا من

القروبين فراح تشترك المجموعتين بحمل مسمى العمل لأنه إلى الآن العدد في حياتي كلها

لله هو الأكثر . . الخطاب أنا رفعته لمديرة المركز بإسم أصدقاء مرضى السرطان وقروب حياتي كلها لله


وإن شاء الله تعالى إنها تتسهل الزيارة وهذي لوجه الله وما راح يكون فيه خلاف على هذا الشي

وربي حيساعدنا إن شاء الله ...


سعيدهـ جدا أن وفقني الله بإن أكون أول من طرح فكرة الزيارة بجدة



** أعتذر على تغيبي اليومين الماضية لأن صار عندي حالة وفاة وأتمنى منكم إنكم تدعون للفقيدة

بالرحمة والغفران وبناتها بالصبر والسلوان




تحيتي للجميع

عبوووره
12-Sep-2008, 05:14
الله يرحمها ويسكنها فسيح جنـــــــــــــــــــاته ....

بــــراءهـ
12-Sep-2008, 05:41
اللهم آمين . . جزآكـ الله خير

rawan bawazeer
12-Sep-2008, 10:15
ماشاء الله الفكرة مرررررررررة جيدة
وحابة اني اشارك معاكم ودا اول عمل تطوعي حا اسوي فياريت تقبلوني معاكم

بــــراءهـ
12-Sep-2008, 06:57
حبيبتي روان


لنا الفخر أن أول عمل خيري تعمليه يكون معانا . . وأكيد مقبولة عزيزتي أبواب الخير

مفتوحة لكل من ارادها وبإمكانك المشاركة في أي ماشئتي


بس انا أبغى أفكاركم حابة أعرف ايش ممكن نعمل شي جديد وحلو لهم في العيد إن شاء الله


عشان نبدأ نرتبها ونحطها ضمن البرنامج الي حيصير :)



يعطيكم العافية يارب

rawan bawazeer
12-Sep-2008, 10:54
طيب اذا ممكن ارسليلي ايميلك عشان نتفاهم على الماسنجر واعرف ايش الترتيبات اللي سويتوها

بــــراءهـ
13-Sep-2008, 12:01
ممكن يا عسل ابشري دحين ارسله


:)

درررة
13-Sep-2008, 03:10
الله يعطيك العافيه براءهـ ماقصرتي

حضرت لاشكركم على تقبل الفكره والسماح بوضعها بالقسم...

حياكم الله وجمعنا واياكم في الفردوس الأعلى

خـلـود
13-Sep-2008, 04:35
مرحبا عزيزتي براءه,,,
بارك الله فيك وفيما تقدمونه من أفكار تطوعية هادفة...
يسعدنا أن تعرضي الموضوع ضمن أقسام قاعة نادي جدة ...حتى يتسنى للجميع مشاهدته والإطلاع عليه,,,فبالمشاركة والتعاون تكبر أفكارنا وتتسع رؤيتنا لها,,

بانتظارك

http://www.arabvolunteering.org/corner/avf257.html


لكم تقديري..

pepsiziz
13-Sep-2008, 06:20
الله يعينكم على فعل الخير

بــــراءهـ
13-Sep-2008, 06:35
اهلا وسهلا فيك اختي خلود ابشري ماطلبتي شي


اللهم آمين pepsiziz

لولي
13-Sep-2008, 10:38
مرحبا براءه ياريت تقبلوني معاكم ونستطيع نقدم شئ لهولاء الاطفال بس بليز ابي اعرف متى موعد الحفله عشان اقدر ارتب اموري من بدري وجزاكي الله خير على مثل هذه الافكار وجعله الله في موازين حسناتك....

وعلى فكره اسم القروب جداًاًاً رائــــــــــــــــــــــع :icon150:
(حياتي كلها لله )

fonah
13-Sep-2008, 10:49
حبيبتي فونا ربي يسعدك شرف لي مروركـ

وأنا كمان لي الفخر إنك ممرضة . . .

بالنسبة للمسمى راح يكون على حسب الأعضاء والمساهمة بمعنى


عدد الأعضاء من كل قروب وحجم المساهمة من كل قروب فإذا كانت بالمناصفة بين كلا من

القروبين فراح تشترك المجموعتين بحمل مسمى العمل لأنه إلى الآن العدد في حياتي كلها

لله هو الأكثر . . الخطاب أنا رفعته لمديرة المركز بإسم أصدقاء مرضى السرطان وقروب حياتي كلها لله


وإن شاء الله تعالى إنها تتسهل الزيارة وهذي لوجه الله وما راح يكون فيه خلاف على هذا الشي

وربي حيساعدنا إن شاء الله ...


سعيدهـ جدا أن وفقني الله بإن أكون أول من طرح فكرة الزيارة بجدة



** أعتذر على تغيبي اليومين الماضية لأن صار عندي حالة وفاة وأتمنى منكم إنكم تدعون للفقيدة

بالرحمة والغفران وبناتها بالصبر والسلوان




تحيتي للجميع


عظم الله أجركم

سوري على الرد المتأخر :( ما إنتبهت


أوكيه أنا معاك وحبيت أسأل كم عددكم وإنتوا عندكم موقع عشان نتعرف على نشاطاتكم ولا قروب بين بعضكم؟؟

تشرفنا اختي براءة ومنتظرين الموافقة والتفاصيل :)

بــــراءهـ
14-Sep-2008, 03:18
الله يعطيك العافيه براءهـ ماقصرتي

حضرت لاشكركم على تقبل الفكره والسماح بوضعها بالقسم...

حياكم الله وجمعنا واياكم في الفردوس الأعلى

أختي درررة ويعافيكي ياربـ

أعذريني سهيت عن ردك بدون قصد والله :)


وهذا بتوفيق من الله ثم مساندتك لي في كل شي


ربي يسعدك

بــــراءهـ
14-Sep-2008, 03:23
مرحبا براءه ياريت تقبلوني معاكم ونستطيع نقدم شئ لهولاء الاطفال بس بليز ابي اعرف متى موعد الحفله عشان اقدر ارتب اموري من بدري وجزاكي الله خير على مثل هذه الافكار وجعله الله في موازين حسناتك....

وعلى فكره اسم القروب جداًاًاً رائــــــــــــــــــــــع :icon150:
(حياتي كلها لله )



هلا وغلا لولي الرووعة تمكن في مروركم أدامكم الله :)

ومايحتاج تسأليني أبدا الله يحييك ويشرفني وجودك معانا

وراح أكتب لكم كل الافكار وكل شي أبشروووووا

بــــراءهـ
14-Sep-2008, 03:33
عظم الله أجركم

سوري على الرد المتأخر :( ما إنتبهت


أوكيه أنا معاك وحبيت أسأل كم عددكم وإنتوا عندكم موقع عشان نتعرف على نشاطاتكم ولا قروب بين بعضكم؟؟

تشرفنا اختي براءة ومنتظرين الموافقة والتفاصيل :)



جزآك الله خير يارب وعادي مو مشكلة ياعسلـ :)

والله يحييكِ


بالنسبة للموقع موجود أكيد وإذا حبته ارسله لكِ أو احطه هنا ماعندي مشلكة بس ما اعرف اذا ممكن اولا

وبإمكانك تتعرفي على كل الأنشطة وكل أعضاء القروب . . . بالنسبة للعدد كثييييير جدا الي حابين يجوا معانا


بس للأسف اليوم في المركز خبرونا إن العدد راح يكون محدود وماراح يرضون بعدد كبير وراح أكتب لكم كم العدد النهائي ومن هما بس بعد ما أحصيهم كلهم على حسب الأسبقية الموعد غالبا حيكون أول يوم في العيد إن شاء الله موفقين يارب

LiNa
15-Sep-2008, 07:16
بالتوفيق لكي اختي ولكل القروب اللي معاكي ..
بارك الله فيكم

Hanouf
20-Sep-2008, 07:47
ممكن أعرف متى ح تزوروهم ؟
لأنه حابة أشترك :)

حلى جدة
25-Sep-2008, 07:53
السلام عليكم ورحمة لله وبركاتوا

أنا رحت للمستشفى يوم 17 رمضان انا والبنات وكانت الزيارة جدا ممتعة وأنبسطنا

بس اللي لاحضوا هناك أن عدد البنات أكثر من عدد الاطفال الاولد المرضى يعني نحنا

جبنا هداية كثير للاولد بس البنات كم عروسة ويدوب كفوا

اذا حابة أوريك الصور حقت الهداية أرسليلي وأنا أرسلك هيه
يمكن تستفيدي

بــــراءهـ
27-Sep-2008, 01:50
السلام عليكم


امين لينا شاكرهـ لكِ



هنوووف زيارتنا يوم 8 او 13 حسب عدد المرضى راح نروح ان شاء الله



حلى جدهـ يا سلاااااااااااااااااااام وربي شي يفرح الله يكتب لك الاجر يااااااااارب انتي والبنات الي معاكي


بالنسبة لاعداد الاطفال الفترة الي تدربت فيها سبحان الله كانت كلهااااااااا اولاد :) وانتي صار معاكي العكس . . بس احنا جبنا نفس العدد في الهدايا للاولاد والبنات واذا زاد شي يبقى عند الاخصائية للمرضى الي ماحضروا الحفل


أوك ارسلي الصور أشوفها :) بدون امر عليك

إسماعيل الدهلوي
28-Sep-2008, 01:45
الله يوفقكم إن شاء الله و ييسرلكم أموركم للخير.
شكرا لك أختي بــــراءهـ على تنسيق الزيارة،،

هذه تقارير بعض الزيارات القديمة التي قمن بها الأخوات في النادي، قد تفيدكم و تحمسكم أكثر ،، مع انه ما يحتاج الحماس باين من الردود ما شاء الله :icon10:
http://www.arabvolunteering.org/corner/avt5193.html
http://www.arabvolunteering.org/corner/avt8212.html
http://www.arabvolunteering.org/corner/avt9328.html


و الأخوة في السودان قاموا أيضا بزيارة المركز القومي للعلاج بالأشعة و الطب النووي:
http://www.arabvolunteering.org/corner/avt16309.html


و هذا مع الصور لأخوات متطوعات:
http://www.arabvolunteering.org/corner/avt8069.html

بالتوفيق، و كل عام و أنتم بخير.

نجاة الفرسي
01-Nov-2008, 01:19
تمت الفعااااليه او لااااااااا

براءة انتي فييييييييييييين

الأخصائية النفسيه
16-Jan-2010, 10:17
حلو يا براءه .. الله يعطيكم العافيه :)